जयपूर : राजस्थान येथील कोटा येथील एका विद्यार्थ्याचा इमारतीच्या सहाव्या मजल्यावरून पडून मृत्यू झाल्याची घटना घडली आहे. दरम्यान या घटनेचे सीसीटीव्ही फुटेज सोशल मीडियावर व्हायरल झाले असून ही थरारक घटना पाहून आपल्याही अंगावर काटा आल्याशिवाय राहणार नाही.

हेही वाचा - रायगडमध्ये पर्यटनासाठी येतेय नवी संधी

व्हायरल होत असलेल्या व्हिडिओमध्ये काही विद्यार्थी बाल्कनीमध्ये बसलेले आपल्याला दिसत आहे. त्यानंतर काहीजण उठून आत जातात. तर खाली पडलेला मुलगाही आत जाण्यासाठी पायात चप्पल घालण्यासाठी जातो आणि त्याचा कल जातो. बाल्कनीला लावलेली जाळी तुटते आणि कल गेलेला विद्यार्थी थेट सहाव्या मजल्यावरून खाली रस्त्यावर पडतो.

दरम्यान, या घटनेनंतर त्याच्या मित्रांनी घाई करून खाली धाव घेतली पण वरून पडल्यामुळे या विद्यार्थ्याचा जागीच मृत्यू झाला होता. सध्या या घटनेचा व्हिडिओ सोशल मीडियावर चांगलाच व्हायरल होत आहे. तर अनेकांनी हा व्हिडिओ ट्वीटरवर शेअर केला आहे.