राज्यासह देशात अनेक ठिकाणी थंडीचा कडाका वाढल्याचे पाहायला मिळत आहे. यादरम्यान एक वाघ जंगल सोडून गावातील एका घरावर ऊन खात बसल्याचे पाहायला मिळाले. या वाघाचा व्हिडीओ सध्या सोशल मीडियावर व्हायरल होत आहे.

उत्तर प्रदेशातील पिलीभीत जिल्ह्यातील मानवी निवासी भागात वाघ अनेकदा दिसतात. आता असाच एक प्रकार आटकोना गावातून समोर आला आहे. येथे रात्री वाघ गावात घुसला आणि घराजवळ बांधलेल्या एका भिंतीवर चढून झोपला.

दरम्यान लोकांना याबाबत माहिती मिळताच वाघाला पाहण्यासाठी मोठी गर्दी उसळल्याचं पाहायला मिळालं, या घटनेचा व्हिडीओ सध्या सोशल मीडियावर व्हायरल होत आहे. मात्र हजारोंच्या संख्येने जमलेल्या लोकांच्या गर्दीकडं दुर्लक्ष करत हा वाघोबा भींतीवर बेफिकीर झोपल्याचे गेल्याचे पाहायला मिळले. याबद्दल माहिती मिळताच वनविभागाचे पथक घटनास्थळी पोहोचले आणि सापळे लावून वाघाला पकडण्याचे प्रयत्न सुरू करण्यात आले.

हे प्रकरण उत्तर प्रदेशातील पिलीभीत जिल्ह्यातील बानंगी काली नगर तहसील भागातील अटकोना गावातील आहे. येथे रात्री उशिरा वाघ गावात आला आणि भिंतीवर येऊन बसला. गावकऱ्यांना माहिती मिळताच शेकडो लोक वाघ पाहण्यासाठी जमले.लोक जमल्यानंतरही वाघ भिंतीवर निवांत झोपल्याचे व्हायरल होत असलेल्या व्हिडीओमध्ये दिसत आहे.

दरम्यान मिळालेल्या माहितीनुसार, पीलीभीतमध्ये व्याघ्र प्रकल्प असल्यामुळे अनेक वेळा वन्य प्राणी निवासी भागात घुसतात. अनेकवेळा माणसांवर हल्ले झाल्याचीही प्रकरणे समोर आली आहेत. ही समस्या वर्षानुवर्षे कायम असून लोकांना यामुळे सातत्याने त्रासाला सामोरे जावे लागत आहे.