Divyanka Tripathi Viral Video : टेलिव्हीजन क्षेत्रातील प्रसिद्ध अभिनेत्री दिव्यांका त्रिपाठी ही सगळ्यांच्याच चर्चेतील एक नाव आहे. तिच्या सूनेच्या भूमिकेतील अभिनयानं तिला वेगळी ओळख मिळवून दिलीय. दिव्यांकाची फॅन फॉलोवींगही मोठी आहे. टीव्ही क्षेत्रातील सून म्हणून तिची जास्त ओळख असली तरी पर्सनल आयुष्यात ही अभिनेत्री 'फूल टू एन्जॉय' मूडमध्ये दिसून येते. तिच्या बाईक रायडींगचा दबंग अंदाज सध्या सोशल मीडियावर भन्नाट व्हायरल होतोय.

स्टार प्लसच्या प्रसिद्ध शो 'ये है मोहब्बतें' फेम दिव्यांका त्रिपाठी सोशल मीडियावर खूप सक्रिय असते. नेहमीच तिच्या चाहत्यांसोबत ती तिचे फोटो आणि व्हिडिओ सोशल मीडियावर शेअर करत असते. अलीकडेच अशाच एका पोस्टमुळे दिव्यांका पुन्हा चर्चेत आली आहे. अभिनेत्रीने तिच्या पतीसोबतचे काही फोटो तिच्या सोशल अकाउंटवर शेअर केले आहेत. या फोटोंमध्ये ती मुंबईच्या रस्त्यावर बाईक चालवताना दिसत आहे.

तिने (Divyanka Tripathi)शेअर केलेल्या फोटोंमध्ये ती काळ्या रंगाचे जॅकेट, काळी जीन्स आणि बाइकर बूट घालून एका लक्झरी क्रूझर बाइकवर बसलेली दिसत आहे. तिने काळ्या रंगाचे हेल्मेटही घातले आहे. त्याचवेळी दिव्यांकासोबत तिचा पती विवेक दहियाही दिसत आहे. विवेकने ब्लॅक टी-शर्ट आणि ब्लू डेनिम जीन्ससह बाइकर लूक दिला आहे.

ही पोस्ट शेअर करताना दिव्यांकाने तिच्या पोस्टला #RiderCouple असे कॅप्शन दिले आहे. दिव्यांकाची ही स्टाईल सोशल मीडियावर व्हायरल होत आहे. टीव्हीवरील सुसंस्कृत सुनेचा दबंग बाईक रायडर लूक सर्वांनाच आवडला आहे. (viral video)

दिव्यांका त्रिपाठी शेवटची रिअॅलिटी शो 'खतरों के खिलाडी'मध्ये दिसली होती. या शोमध्ये दिव्यांकाने धोकादायक स्टंट करून सर्वांना चकित केले. अभिनेत्री या शोची रनर अप होती. दिव्यांका त्रिपाठी 'बनू में तेरी दुल्हन' आणि 'ये है मोहब्बतें' या मालिकेनंतर प्रसिद्ध झाली. सध्या तिचे सोशल मीडियावर बॉलीवूड सेलिब्रिटीएवढे फॉलोवर्स आहेत.