Nandurbar Crime News : तळोदा तालुक्यातील आमलाड ते बहुरुपा रस्त्यावर एका उसाच्या शेतालगत आयशर गाडीत सुमारे आठ लाखांचा मद्यसाठा तळोदा पोलिसांनी शुक्रवारी (ता. १४) सायंकाळी जप्त केला.

मात्र चालक फरारी झाला. पोलिसांनी मद्यसाठा व गाडीही जप्त केली. (Liquor stock worth 8 lakh seized in Malad Bahurupa road Nandurbar Crime News)

याबाबत पोलिस सूत्रांनी दिलेल्या माहितीनुसार तळोदा पोलिस ठाण्याचे पोलिस निरीक्षक राहुलकुमार पवार यांना तळोदा तालुक्यातील आमलाड ते बहुरूपादरम्यान मद्याची वाहतूक होणार असल्याची समजले. त्या माहितीच्या आधारे दुपारी चार वाजेच्या सुमारास पोलिसांनी सापळा रचला. पाळत ठेवली.

त्यादरम्यान आमलाड-बहुरूपा रस्त्यावर एका उसाच्या शेतालगत तपकिरी रंगाची एक आयशर गाडी (एमएच १८ बीजी १८५१) आढळून आली. तिची तपासणी केली असता त्यात सुमारे आठ लाखांचा मद्यसाठा आढळला. त्यात सात लाख सत्तर हजार दोनशे बत्तीस रुपयांच्य मद्यासह आठ लाख किमतीची आयशर गाडीही जप्त करण्यात आली.

हेही वाचा : Credit Card फसवणूक....काय घ्याल काळजी?

असा एकूण पंधरा लाख सत्तर हजारांचा मुद्देमाल जप्त करण्यात आला. तळोदा पोलिसांत अज्ञात वाहन चालक व मालक यांच्यावर गुन्हा दाखल झाला. पुढील तपास सहाययक पोलीस निरीक्षक अमितकुमार बागुल करीत आहेत.

ही कारवाई पोलीस निरीक्षक राहुलकुमार पवार यांचे मार्गदर्शनाखाली सहाय्यक पोलीस निरीक्षक अमितकुमार बागुल, अविनाश केदार, सागर गाडीलोहार, पुना पाडवी, अजय पवार, विलास पाटील, विजय जावरे, संदीप महाले, महिला एएसआय संगीता बाविस्कर यांच्या पथकाने केली. चालक वाहन सोडून फरारी झाला आहे.