धुळे : कोरोना व्हायरसची भिती प्रत्येकाच्या मनात घर करून राहिली आहे. बाहेरून आल्यानंतर आपण कोणाच्या संपर्कात येवून आपल्याला तर लागण झाली नाही ना..याची एक वेगळी भिती आहे. अशीच लक्षण आढळून आल्यानंतर त्यांचे स्वॅब घेण्यात आले. परंतु अहवाल येण्यापुर्वीच पंधरा जणांनी कोविड सेंटरमधून पलायन केल्याचा प्रकार धुळे शहराजवळील नगावबारी येथील बाफना हॉस्पिटलमध्ये घडल्याचे उघडकीस आले आहे.
बाफना हॉस्पिटलच्या कोविड केअर सेंटरमधून शनिवारी सायंकाळी पंधरा कोरोना संशयीत रुग्ण पळून गेल्याने खळबळ उडाली आहे. त्यात मुकटी व हेंकळवाडीतील रुग्णांचा समावेश आहे. याबाबत कोविड केअर सेंटरच्या निवासी वैद्यकीय अधिकाऱ्यांनी पश्चिम देवपूर पोलिसात तक्रार दिली आहे. नगावबारी येथील कोविड केअर सेंटरमधून मुकटी येथील 3 जण व हेंकळवाडीतील 7 जण तसेच सायंकाळी साडेसात वाजता मुकटीतील आणखी 5 जण असे 15 जण पळून गेले.
अहवाल अजून प्रलंबित
कोरोना संशयितांचे कोरोना तपासणी साठी नमुने लॅबमध्ये पाठविण्यात आले आहेत. परंतु, त्यांचे कोरोना तपासणीचे अहवाल येण्याआधीच या संशयितांनी रुग्णालयातून पळ काढला. यामुळे संपूर्ण शहरात एकच खळबळ उडाली आहे. कोविड सेंटरमधून पळून गेलेल्या पंधरा जणांचा शोध घेण्यासाठी पोलीस प्रशासनातर्फे युद्धपातळीवर प्रयत्न केले जात आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.