Nashik Accident News : मनमाड- मालेगाव रस्त्यावरील कौळाणे शिवारात बस व ट्रकची समोरासमोर धडक झाली. या अपघातात पंधरा ते अठरा प्रवासी जखमी झाले.

जखमींपैकी चौघे गंभीर जखमी झाले असून, त्यांच्यावर येथील सामान्य रुग्णालयात उपचार सुरू आहेत. (18 passengers injured in bus truck collision accident in Kaulane Shivara nashik news)

शिरपूर आगाराची शिरपूर- पुणे बस (एमएच २०, बीआर ३४५९) पुणे येथून येत होती. कौळाणे शिवारात समोरून येणाऱ्या ट्रकशी (एमएच १५, आरए ४६५९)शी या बसची समोरासमोर धडक झाली. मंगळवारी (ता. २७) रात्री हा अपघात झाला.

यात बसमधील अठराहून अधिक प्रवासी जखमी झाले. जखमींवर सामान्य रुग्णालयात उपचार सुरू आहेत. रूग्णवाहिका चालक गणेश शेवाळे यांनी ग्रामस्थांच्या मदतीने जखमींना रुग्णालयात दाखल केले.

तालुका पोलिस तातडीने घटनास्थळी पोहचले. अपघातात बसचा पुढील भाग पूर्णपणे चेपला गेला. आगारातर्फे जखमींची नोंद घेण्यात आली. अपघाताचे नेमके कारण समजू शकले नाही. तालुका पोलिस ठाण्यात अपघाताची नोंद करण्यात आली आहे.