जुने नाशिक : भद्रकाली पोलिसांकडून सुमारे २ हजार ३८० रुपयांचा दारू साठा (liquor Stock) जप्त (Seized) करण्यात येऊन एका संशयितास ताब्यात घेतले आहे. नवाज रशीद सय्यद (५२, रा. जुने नाशिक), असे संशयिताचे नाव आहे. (2000 worth liquor seized from Bhadrakali police Nashik Crime News)

मंगळवारी (ता. ७) पोलिस निरीक्षक दिलीप ठाकूर व कर्मचारी नानावली भागात गस्त करत होते. द्वारका चौकास लागून असलेल्या मोकळ्या मैदानावर एक जण अवैधरीत्या मद्य विक्री करत असल्याची माहिती श्री. ठाकूर यांना मिळाली. कर्मचाऱ्यांसह ते घटनास्थळी दाखल झाले. एक जण दारू विक्री करत असल्याचे आढळून आला. पोलिसांनी नवाज सय्यद यास ताब्यात घेत चौकशी केली. त्याच्याकडून ३६० रुपयांच्या रोख रकमेसह २ हजार ३८० मद्य साठा जप्त केला. दरम्यान, रेकॉर्डवरील सराईत ९ संशयितांची तपासणी केली. २ गुन्हेगारांची, हिस्टरी सीटर ५, १३ तडीपारांची तपासणी करण्यात आली. तर १० टवाळखोरांवर कारवाई करत ८ जणांना समन्स बजावण्यात आले. याशिवाय वेळेवर आस्थापना बंद न केल्याप्रकरणी आठ आस्थापनांवर कारवाई करण्यात आली.