नाशिक : शहर परिसरात दुचाकी चोरट्यांचा सुळसुळाट वाढला असून, तीन दुचाकी पुन्हा चोरीला गेल्या आहेत. नाशिक रोड, उपनगर आणि देवळाली कॅम्प परिसरातून या दुचाकींची चोरी झाली. (3 two wheeler stolen from city area Nashik Crime news)

संतोष जोर्वेकर (रा. विधाते मळा, कालिकानगर) यांच्या फिर्यादीनुसार, त्यांची दुचाकी (एमएच- १५- जीबी- ९३३४) गेल्या ९ तारखेला जेल रोडच्या चंदन हॉटेलजवळून चोरीला गेली. याप्रकरणी नाशिक रोड पोलिसात गुन्हा दाखल करण्यात आला आहे. किसान पाटोळे (रा. संसरी गाव) यांच्या फिर्यादीनुसार, ते गेल्या शनिवारी (ता.११) देवळाली कॅम्प येथील खंडोबा टेकडी येथे गेले असता त्यांची दुचाकी (एमएच- १५- डीटी- ६२५५) अज्ञात चोरट्याने चोरून नेली. याप्रकरणी देवळाली कॅम्प पोलिस ठाण्यात गुन्हा दाखल करण्यात आला आहे. तर, तिसऱ्या घटनेत जीवन बेंडकुळे (रा. जैतवननगर, जयभवानी रोड) यांची दुचाकी (एमएच- १५- एचएस- ६८८८) सोमवारी (ता. १३) मध्यरात्री चोरट्याने राहत्या घरासमोरून चोरून नेली. याप्रकरणी उपनगर पोलिसात गुन्हा दाखल करण्यात आला आहे.