Nashik : जिल्ह्यात 36 पॉझिटिव्‍ह; 22 रुग्‍ण कोरोनामुक्‍त

नाशिक : जिल्ह्यात नव्‍याने आढळणाऱ्या कोरोना बाधितांच्‍या (corona patients) संख्येत सौम्‍य गतीने वाढ होते आहे. शुक्रवारी (ता. १७) जिल्ह्यात नव्‍याने 36 रुग्‍णांचे कोरोनाविषयक अहवाल पॉझिटिव्‍ह (Positive) आले. २२ रुग्‍णांनी कोरोनावर यशस्‍वीरीत्‍या मात केली. सध्या उपचार घेणाऱ्या बाधितांची संख्या ११८ वर पोहोचली आहे. (28 positives in district 22 patient coronary free nashik corona updates news)

शुक्रवारी नाशिक महापालिका क्षेत्रातील वीस, नाशिक ग्रामीणमधील आठ रुग्‍णांचे कोरोनाचे अहवाल पॉझिटिव्‍ह आले. मालेगाव महापालिका क्षेत्रात नव्‍याने बाधित आढळून आला नाही. जिल्ह्याचा पॉझिटिव्‍हीटी दर १ .५५ टक्‍के राहिला. यापैकी सर्वाधिक ३. ८२ टक्‍के पॉझिटिव्‍हीटी दर राहिला. दरम्‍यान, प्रलंबित अहवालांच्‍या संख्येत मोठी वाढ झालेली आहे. सायंकाळी उशिरापर्यंत ७३८ रुग्‍णांचे अहवाल प्रलंबित होते.

नाशिक ग्रामीणमधील ६१७, नाशिक शहरातील १०३, मालेगाव महापालिका क्षेत्रातील अठरा रुग्‍णांना अहवालाची प्रतीक्षा होती. सध्या जिल्ह्यात सक्रिय असलेल्‍या ११८ बाधितांपैकी नाशिक महापालिका क्षेत्रातील बाधितांची संख्या ८५ आहे. नाशिक ग्रामीण भागातील २३, मालेगाव महापालिका क्षेत्रातील एक, तर जिल्‍हा बाहेरील नऊ बाधितांवर सध्या उपचार सुरु आहेत. उपचारादरम्‍यान एका बाधिताला ऑक्‍सिजनची आवश्‍यकता भासते आहे.