सिन्नर : सिन्नर शिर्डी महामार्गावर वावी गावाच्या परिसरात चारचाकी अन् दुचाकीमध्ये अपघात झाला आहे. या अपघातात दोघे दुचाकीस्वार ठार झाले आहे. या अपघातात एका युवकासह महिलेचा मृत्यू झाला आहे. (Accident on Sinnar Shirdi Highway Two bikers killed Nashik News)

वैभव अशोक कुलकर्णी (वय 38) व सुवर्णा अशोक कुलकर्णी (वय 70) दोघे राहणार मालेगाव स्टॅन्ड जवळ हनुमान वाडी पंचवटी या आई आणि मुलाचा अपघातात मृत्यू झाला आहे.

वावी जवळच्या फुलेनगर येथे कुलकर्णी कुटुंबाची शेती आहे. आई व मुलगा दोघेजण सकाळी नाशिक येथून लवकर निघाले होते.

हेही वाचा : असा वाढवा तुमचा ‘क्रेडिट स्कोअर’

वावी जवळ फुलेनगर फाट्यावर असलेल्या पेट्रोल पंपावर दुचाकीला पेट्रोल भरून ते दोघे फुलेनगरकडे जाण्यासाठी शर्वरी लॉन्स समोर रस्ता ओलांडत असताना सिन्नरून शिर्डीच्या दिशेने भरधाव जाणाऱ्या इनोव्हा कारने दुचाकीला धडक दिली. या अपघातात दोघांचा दुर्दैवी अंत झाला. पुढील तपास पोलीस करत आहेत.