Nashik Fraud Doctor : मालेगाव रोडवरील एका ठिकाणी वैद्यकीय प्रॅक्टिस करणाऱ्या परवाना नसलेल्या एका बोगस डॉक्टरला तालुका वैद्यकीय अधिकाऱ्यांनी पकडून पोलिसांच्या स्वाधीन केले. या कारवाईमुळे तालुक्यातील बोगस डॉक्टरांचे धागे दणाणले आहे. (Bogus doctor numbers increasing in Nandgaon nashik fraud crime news)

जनतेच्या आरोग्याशी खेळणाऱ्या तालुक्यातील बोगस डॉक्टरांविरोधात कारवाई करावी या मागणीसाठी रिपाईचे शहराध्यक्ष महावीर जाधव यांनी सोमवारी (ता.१४) लाक्षणिक उपोषणास सुरवात केली.

तालुक्यात मोठ्या प्रमाणात बोगस डॉक्टरांचे पेव फुटले असून या प्रकाराकडे आरोग्य यंत्रणेचे दुर्लक्ष झाल्याचा आरोप श्री. जाधव यांनी केल्यानंतर या उपोषणाची दखल घेत रिपाई पदाधिकारी यांनी तालुका आरोग्य अधिकारी डॉ. संतोष जगताप यांना सोबत घेत मालेगाव रोडवरील खासगी जागेत वैद्यकीय प्रॅक्टिस करणाऱ्या राजू विसपुते नामक व्यक्तीच्या दवाखान्यावर छापा टाकत पकडून दिले.

हेही वाचा : Credit Card फसवणूक....काय घ्याल काळजी?

यावेळी त्याच्याकडे वैद्यकीय सेवेचा अधिकृत परवाना नसल्याचे देखील आढळले. यावेळी शाखांबरी नदीपात्रात फेकून देण्यात आलेले इंजेक्शन औषधी यांचा साठा डॉ. जगताप यांनी जप्त केला.

यानंतर एक बंगाली डॉ. बसाक यांना वैद्यकीय पदवी व अन्य शैक्षणिक पात्रता तपासण्यासाठी देण्याचे आदेश देत तोपर्यंत वैद्यकीय सेवा न करण्याची मनाईही करण्यात आली.

दरम्यान रिपाईचे महावीर जाधव यांच्या लाक्षणिक उपोषणाला शहरातील औषध विक्रेत्यांसह नांदगाव डॉक्टर्स असोसिएशनच्या पदाधिकाऱ्यांनी पाठिंबा दिला.