नाशिक : सिडकोतील केंद्रीय जीएसटी कार्यालयात लाच घेताना सीबीआयच्या विशेष पथकाच्या जाळ्यात अधीक्षक सापडला आहे. चंद्रकांत चव्हाणके असे या लाचखोर केंद्रीय जीएसटी अधीक्षकाचे नाव आहे. (Central GST Superintendent arrested by CBI in bribery case Nashik latest crime news)

गेल्या दोन दिवसात नाशिक लाचलुचपत प्रतिबंधक विभागाच्या पथकाने लाचखोर तिघांना रंगहाथ अटक केली होती. या घटना ताज्या असतानाच, सीबीआयच्या विशेष पथकाने पवननगर येथील केंद्रीय जीएसटी कार्यालयाचे अधीक्षक चंद्रकांत चव्हाणके यांना लाच घेतांना अटक केली आहे. यासंदर्भात कार्यालयात सायंकाळपर्यंत विशेष पथकाचे निरीक्षक रणजित पांडे यांच्या नेतृत्वाखालील विविध पथकांकडून कारवाई सुरू होती.