Cm Eknath Shinde : नाशिक जिल्हा बँकेकडून जमीन जप्तीची कारवाई थांबविण्यासोबतच सक्तीची वसुली होणार नाही, असे आश्वासन मुख्यमंत्री एकनाथ शिंदे यांनी निफाड तहसील कार्यालयासमोर धरणे आंदोलनाला बसलेल्या शेतकरी संघर्ष संघटना, शेतकरी संघटना समन्वय समिती व नाशिक जिल्हा समन्वय समितीच्या शिष्टमंडळाला दिले. (CM Shinde testimony to farmers delegation istrict Bank will stop action nashik news)

सह्याद्री अतिथी गृहावर गुरुवारी (ता.२०) सायंकाळी झालेल्या बैठकीत मुख्यमंत्री एकनाथ शिंदे बोलत होते. यावेळी मनसे अध्यक्ष राज ठाकरे, मनसेचे नेते बाळा नांदगावकर, नितीन सरदेसाई, संदीप देशपांडे उपस्थित होते.

मुख्यमंत्री शिंदे म्हणाले, नाशिक जिल्हा बँकेकडून करण्यात आलेल्या कारवाया त्वरित मागे घेणार, दोन दिवसात प्रधान सचिवांसोबत मनसेचे जिल्हा उपाध्यक्ष अनंत सांगळे यांची पुढील बैठक होऊन शासन निर्णय काढला जाणार असल्याने शेतकऱ्यांच्या आंदोलनाला यश मिळाले असल्याचे शिष्टमंडळाने सांगितले.

दरम्यान, मागण्या मान्य होण्यासाठी सरकार प्रसन्न झाल्याने सरकारच्या निर्णयाचे स्वागत म्हणून शुक्रवारी (ता.२१) यज्ञयाग होणार असल्याचे आंदोलन समितीच्या वतीने सांगण्यात आले. शिष्टमंडळात शेतकरी संघर्ष संघटनेचे जिल्हाध्यक्ष सुधाकर मोगल, शेतकरी संघटना समन्वय समितीचे राज्य अध्यक्ष भगवान बोराडे,

हेही वाचा : What Is Moksha: ‘अण्णा तुमच्या गुरूला मिळाला का मोक्ष?’

नाशिक जिल्हा शेतकरी समन्वय समितीचे जिल्हा कार्यकारिणी सदस्य तुषार गांगुर्डे, दत्तात्रय सुडके, दिलीप पाटील, अब्दुल शेख, केशव कदम, मनसेचे प्रदेश सरचिटणीस अशोक मुर्तडक, प्रदेश उपाध्यक्ष पराग शिंत्रे, मनविसेचे प्रदेश उपाध्यक्ष संदीप भवर, जिल्हाध्यक्ष महेश लासुरे जिल्हा उपाध्यक्ष अनंत सांगळे, अमित गांगुर्डे, मनोज घोडके आदींचा समावेश होता.

"नाशिक जिल्हा सहकारी बँकेच्या वतीने करण्यात येणाऱ्या सक्तीच्या कर्ज वसुली विरोधात गेल्या पंधरा दिवसापासून आम्ही निफाड तहसील कार्यालयासमोर धरणे आंदोलन केले. आज शासनाने आमच्या आंदोलनाची दखल घेतली. खऱ्या अर्थाने जिल्हा बँकेची कारवाई थांबणार असल्याने आंदोलकांसह शेतकऱ्यात आनंदाचे वातावरण आहे." - दत्ता सुडके, सदस्य, शेतकरी समन्वय समिती