Nashik Tomato Rate : महिन्याभरापासून तेजीत असलेल्या टोमॅटोच्या दरात घसरण सुरु झाली आहे. शनिवारी (ता.२६) नाशिक बाजार समितीत झालेल्या लिलावात टोमॅटोस सरासरी साडेचारशे तर सर्वाधिक साडेपाचशे रुपयाचा दर मिळाला. ( Fall in market price of tomatoes nashik news )

गेल्यावर्षी मोठ्या प्रमाणावर टोमॅटो उत्पादन झाल्याने बाजारभाव पूर्णपणे कोसळले होते.

अक्षरशः बाजारभाव कमी मिळाल्याने बऱ्याच शेतकऱ्यांनी टोमॅटो रस्त्यावर फेकून देत आंदोलन केले होते. यावर्षी टोमॅटो उत्पादक शेतकऱ्यांनी लागवड कमी केल्याने आवक कमी झाली होती.

हेही वाचा : Credit Card फसवणूक....काय घ्याल काळजी?

परिणामी बाजारभाव चांगला मिळाला होता. सध्या नाशिक कृषी उत्पन्न बाजार समितीत नायगाव, जायगाव, दोडी, दापुर, मुसळगाव, दातली, खोपडी, समशेरपूर (ता. सिन्नर) या भागातून टोमॅटो येत आहे.

गेल्या चार पाच दिवसांपासून टोमॅटोची आवक वाढल्याने दरात घसरण सुरु झाली आहे. शनिवारी बाजार समितीत पाच हजार ते ६ हजार ४७७ कॅरेट्सची आवक झाली.