येवला : प्रवासी वाहतूक करणाऱ्या इको कारचा येवल्यात भीषण अपघात झाला. या अपघातात ११ जण गंभीर जखमी झाले आहेत. यात ४ बालकांचा समावेश असल्याची माहिती आहे. (Four wheeler accident in Babhulgaon Shivar 11 injured Nashik News)

बुधवारी (ता. ३१) पहाटे मनमाडकडून शिर्डीच्या दिशेने येत असलेली प्रवासी वाहतूक करणारी इको कार बाभुळगाव शिवारात आल्यानंतर चालकाचे कारवरील नियंत्रण सुटले. त्यानंतर ही कार थेट बाभुळगाव शिवारातील नाल्यात जाऊन पडली.

यात कारने तीन-चार वेळा उलटल्यामुळे कारमधील ११ जण गंभीया जखमी झाले आहेत यात चार बालकांचा समावेश आहे. अपघाताची माहिती मिळताच खासगी रुग्णवाहिकेद्वारे जखमींना उपजिल्हा रुग्णालय व येवल्यातील खासगी हॉस्पिटलमध्ये दाखल करण्यात आले.

त्यातील दोघांची प्रकृती चिंताजनक असल्यामुळे एकाला नाशिकला, तर एकाला लोणी येथे पाठविण्यात आल्याचे समजते. दरम्यान, चालकाला डुलकी लागल्याने हा अपघात झाल्याची प्राथमिक माहिती समोर येत आहे.