वणी (नाशिक) : दिंडोरी तालुक्यातील सोनजांब येथे श्री बाकेराव हरी जाधव(६०) हे आपल्या शेतातील विहिरीकडे घरातील पाणी भरण्यासाठी मोटार सुरू करण्यासाठी जात असताना अचानक या शेतकऱ्यावर बिबट्याने हल्ला केला.

त्या मध्ये ह्या शेतकऱ्याच्या मानेला, गळ्याला , तसेच पायाला मोठ्या प्रमाणत जखमा झाल्या असून संबधीत शेतकऱ्याने जोरदार प्रतिकार केला व तसेच आरडाओरड केल्याने परिसरात शेतकरी त्वरित आल्याने त्या शेतकऱ्याची बिबट्याच्या तावडीतून सुटका झाली असून, त्यांना प्रचंड जखमा झाल्या असून उपचारासाठी जवळच खेडगाव येथे उपचारासाठी आणले असता, त्यांना मोठ्या प्रमाणत टाके पडले आहे. पुढील उपचारासाठी त्यांना मोठ्या हॉस्पिटलला पाठविले आहे. (Leopard attack on farmer in Sonjamb Nashik Latest Marathi News)

सोनजांब ,जवळके वणी , गोंडेगाव परिसरात बिबट्याचा मोठ्या प्रमाणत वावर नेहमीच दिसला असून अनेक शेतकऱ्यांचे कुत्रे , शेळ्या ह्या बिबट्यांनी फस्त केल्या असुन, अनेक वेळा शेतकऱ्यांनी बिबट्या जेरबंद करण्यासाठी पिंजरा लावण्याची मागणी केली आहे. मात्र अजुन पर्यंत ह्या परिसरात कधीही पिंजरा लावण्याची तस्दी वनविभागाने घेतलेली नाही.

वनविभाग शेतकरी वर्गाची बिबट्याची शिकार होण्याची वाट बघत आहे की काय?असा प्रश्न उपस्थित लोकांनी व्यक्त केला आहे. लवकरात लवकर या परिसरातील बिबट्याचा बंदोबस्त वनविभागच्या आधिकरी वर्गाने करावी, अशी मागणी या शेतकऱ्यांनी व परिसरातील नागरिकांनी केली आहे.