नाशिक : 'सर्वांचा हिशेब चुकता करणार' असे पोस्टर्स नाशिकमध्ये सध्या ठिकठिकाणी लावलेले दिसून येत आहेत. आगामी महापालिका निवडणुकांच्या (Nashik Municipal Election) पार्श्वभूमीवर महाराष्ट्र नवनिर्माण सेनेचे (Maharashtra Navnirman Sena) युवा नेते आणि पक्षाचे अध्यक्ष राज ठाकरे (Raj thackeray) यांचे चिरंजीव अमित ठाकरे (Amit thackeray) चार दिवसांच्या नाशिक (Nashik) दौऱ्यावर आहेत. या निवडणुकांसाठी मनसेने चांगलीच कंबर कसली असल्याचं यावरुन दिसून येत आहे. अमित ठाकरे यांच्या दौऱ्यादरम्यान नाशिकमध्ये जोरदार पोस्टरबाजी झाल्याचंही दिसून आलं.

सर्वांचा हिशेब चुकता करणार! अमित ठाकरें दौरा अन् पोस्टरबाजी

कोणतंही सरकार कायम नसतं, लोक बघत असतात कोण काम करतंय आणि कोण नाही. लोक सूज्ञ असतात, असं म्हणत अमित ठाकरे यांनी नाशिकच्या मैदानात पहिली गर्जना केली.अमित ठाकरे यांच्या सोबत मनसेचे नेते बाळा नांदगावकर ,संदीप देशपांडे, अमेय खोपकर हे देखील या दौर्‍यात सहभागी होणार आहेत. दरम्यान दुपारी बारा वाजल्यापासून शहराच्या तीनही विभागांमध्ये बैठकांचा आयोजन करण्यात आले आहे. या बैठकांमध्ये पदाधिकार्‍यांशी चर्चा आणि शाखा अध्यक्षांच्या निवड प्रक्रियेला सुरुवात होणार आहे. मनसे कार्यालयाबाहेर (mns office) कार्यकर्त्यांची लगबग आहे. दरम्यान, या दौऱ्याच्या पार्श्वभूमीवर अमित ठाकरे (amit theckeray) यांनी आज (ता.२७) माध्यमांशी संवाद साधला.