नाशिक : गंभीर स्वरुपाचे गुन्हे दाखल असलेल्या सराईत गुन्हेगाराला नाशिक ग्रामीण पोलिसांनी शहर-जिल्ह्यातून ८ महिन्यांसाठी तडीपार केले आहे. रोशन दिनकर लोखंडे (रा. मातोरी, ता. नाशिक) असे तडीपार करण्यात आलेल्या सराईत गुंडाचे नाव आहे. लोखंडे याच्याविरोधात नाशिक तालुका पोलिस ठाणे आणि म्हसरुळ पोलिस ठाण्यात खुनाचा प्रयत्न, आर्मॲक्टसह गंभीर स्वरुपाचे पाच गुन्हे दाखल आहेत. (Nashik Crime Matori gaon tadipar marathi news)

तसेच, त्याची मातोरी, मखमलाबाद परिसरामध्येही दहशत होती. आगामी निवडणुका व सणउत्सव पाहता उपविभागीय दंडाधिकार्यांकडे नाशिक तालुका पोलिसांकडून तडीपारीचा प्रस्ताव पाठविण्यात आला होता. या प्रस्तावानुसार, सराईत गुन्हेगार लोखंडे यास शहर-जिल्ह्यातून ८ महिन्यांसाठी तडीपार करण्यात आले आहे. (Latest Marathi News)

पोलिस अधीक्षक विक्रम देशमाने, अपर अधीक्षक आदित्य मिरखेलकर, उपविभागीय अधिकारी नितीनकुमार गोकावे यांच्या मार्गदर्शनाखाली वरिष्ठ पोलिस निरीक्षक सत्यजित आमले, हवालदार एन.आर. वाघ, रवींद्र गांगोडे यांनी कामगिरी केली.