Nashik Crime News : शहर गुन्हे शाखा युनिट २ आणि भद्रकाली गुन्हे शोध पथक यांच्या संयुक्त कारवाईत ५०० किलो गोवंश मांस आणि ७ गोवंश जनावरे असा सुमारे दोन लाख ७० हजारांचा ऐवज जप्त केला. भद्रकाली पोलिस ठाण्यात गुन्हा दाखल झाला आहे. शुक्रवार (ता.२३) पहाटेच्या सुमारास छापा मारत कारवाई करण्यात आली. (Nashik Crime Police seized cattle with meat marathi news)

बागवानपुरा हरी मंजिल परिसरात पत्र्याच्या शेडमध्ये गोवंश मांस विक्री होत असल्याची माहिती युनिट २ पथकाचे हवालदार विशाल पाटील यांना मिळाली. त्यांनी वरिष्ठांना माहिती दिली. पोलिस उपनिरीक्षक अजय पगारे यांच्यासह सहाय्यक उपनिरीक्षक बाळू शेळके, विवेक पाठक, हवालदार प्रकाश भालेराव, शंकर काळे, विशाल पाटील तसेच भद्रकाली गुन्हे शोध पथकाचे सतीश साळुंखे, कय्यूम सय्यद, नीलेश विखे यांनी छापा टाकला. विक्रीसाठी असलेले गोवंश मांस आढळले.

मोकळ्या जागेत सात गोवंश जनावरे बांधलेली आढळली. पोलिसांनी कारवाई करत जनावरांची सुटका केली. ५०० किलो गोवंश मांस आणि कुऱ्हाड, सुरा यांसह विविध साहित्य असा सुमारे २ लाख ७० हजार ५०० रुपयांचा ऐवज जप्त केला. फिरोज अब्दुल मजीद कुरेशी (वय ४२,रा. सादिक नगर), कलिम सलीम शेख (वय ३२, रा. कथडा) अशा दोघांना ताब्यात घेतले आहे. तर एक जण पळून जाण्यास यशस्वी झाला. (latest marathi news)