चांदवड- लासलगाव : चांदवड तालुक्यातील तळेगाव (रोही), वाकी, वडगाव- पंगू आणि परिसरात रविवारी झालेल्या गारपिटीने मोठी हानी झाली असून कांद्याचे पीक जमीनदोस्त झाल्याने शेतकरी संकटात सापडला आहे.

या नुकसानीची पाहणी करत आमदार डॉ, राहुल आहेर यांनी आज शेतकऱ्यांना धीर दिला. शासकीय मदत लवकरात लवकर मिळवून देण्याचे आश्वासन देत त्यांनी पंचनाम्यांकडे लक्ष देण्याच्या सूचना प्रशासकीय यंत्रणेला केल्या. (Nashik Unseasonal Rain Damage Onion hit in Chandwad Taluka MLA Dr Inspection by Aher )

रविवारच्या अवकाळी पाऊस आणि प्रचंड गारपिटीने कांद्याचे अतोनात नुकसान झाले आहे. तळेगाव रोही येथील अनेक शेतकऱ्यांनी दुष्काळावर सामना करत टँकरने पाणीपुरवठा करून कांदा व टोमॅटोचे पीक घेतले होते.

थोड्याच दिवसांत कांदे काढणीला येणार होते. त्याआधीच झालेल्या गारपिटीने शेतकरी पूर्णपणे कोलमडून गेला आहे. आधीच दुष्काळाच्या झळा सोसत असताना पिके नेस्तनाबूत झाली आहेत. हातात तोंडाशी आलेला घास हिरावून घेतल्यामुळे शेतकरी पुरता हवालदिल झाला आहे.

गारपिटीने झालेल्या नुकसानीची पाहणी करण्यासाठी आमदार डॉ. राहुल आहेर, जिल्हाधिकारी जलज शर्मा यांनी आज तालुक्याच्या गावांना भेटी दिल्या.

प्रांताधिकारी चंद्रशेखर देशमुख, कृषी सहाय्यक अधिकारी एस. ए. जाधव, पशुवैद्यकीय अधिकारी डॉ. रोकडे, तलाठी के. व्ही. सालगुडे, ग्रामविकास अधिकारी एस. एस. गवई, सरपंच भाऊसाहेब जिरे, ग्रामपंचायत सदस्य शरद गाडे, पुंजाराम वाकचौरे, दीपक ठाकरे, राजेंद्र पाटील, लालकृष्ण मोरे, रेवण सोनवणे,

शोभाताई रोकडे, वनिता केदारे, प्रगतशील शेतकरी पुंजाराम वाकचौरे, मधुकर वाकचौरे, बबन वाकचौरे, रामभाऊ वाकचौरे, बाबाजी वाकचौरे, अनिल पाटील, विक्रम वाकचौरे ,दीपक ठाकरे, लक्ष्मण जिरे अशोक शेळके, सोपान कोकणे, कैलास जिरे,भाऊसाहेब नाईक, राजाराम वाकचौरे, दौलत वाकचौरे आणि ग्रामस्थ मंडळी नुकसानग्रस्त भागांची पाहणी करण्यासाठी उपस्थित होते.