Nashik News : यशवंतराव चव्हाण महाराष्ट्र मुक्त विद्यापीठाच्या शैक्षणिक वर्ष २०२४-२५ करिता विविध अभ्यासक्रमांची प्रवेशप्रक्रिया सुरू आहे. याअंतर्गत एमबीए या पदव्‍युत्तर पदवी, तसेच बीसीए या पदवी स्‍तरावरील अभ्यासक्रमाच्‍या प्रथम वर्षाच्‍या प्रवेशासाठी होणाऱ्या सीईटीच्‍या नोंदणीला सुरवात झाली आहे. (Yashwantrao Chavan Maharashtra Open University MBA BCA CET application deadline till 13)

१३ जुलैपर्यंत विद्यार्थ्यांना नोंदणी करून परीक्षेला सामोरे जाण्याची संधी उपलब्‍ध होईल. या अभ्यासक्रमांच्‍या सीईटी परीक्षा नोंदणीची प्रक्रिया सोमवार (ता. १)पासून सुरू झाली आहे. मुक्‍त विद्यापीठात या शिक्षणक्रमांना प्रवेश घेऊ इच्‍छिणाऱ्या विद्यार्थ्यांना प्रवेश परीक्षा उत्तीर्ण होणे आवश्यक आहे, असे विद्यापीठातर्फे स्‍पष्ट केले आहे.

ही प्रवेश परीक्षा ऑनलाइन पद्धतीनेच घेतली जाणार आहे. इच्‍छुक व पात्रताधारक विद्यार्थ्यांनी परीक्षेच्‍या नोंदणसाठी https://ycmapp.ycmou.org.in/login या लिंकवर जाऊन ऑनलाइन पद्धतीने नोंदणी करायची आहे, असे विद्यापीठातर्फे स्‍पष्ट केले आहे. विद्यार्थ्यांनी परीक्षा देऊन आपले प्रवेश निश्‍चित करावेत, असे आवाहन परीक्षा नियंत्रक भटूप्रसाद पाटील यांनी केले आहे. (latest marathi news)

प्रवेश परीक्षेसाठी सूचना

एमबीएसाठी प्रवेश परीक्षा शुल्‍क सहाशे रुपये, तर बीसीएसाठीचे शुल्‍क पाचशे रुपये आहे. दोन्‍ही अभ्यासक्रमांच्‍या माहितीपुस्‍तिका संकेतस्‍थळावर उपलब्‍ध आहेत. प्रवेश परीक्षेची नोंदणी केल्यानंतर उमेदवारांना सराव परीक्षा (डेमो/मॉक टेस्‍ट) उपलब्ध करून दिली जाईल.

त्यानंतर प्रवेश परीक्षा देता येईल. परीक्षेसंदर्भात तांत्रिक अडचण उद्‌भवल्‍यास सहाय्यता क्रमांकावर संपर्क साधता येईल.