Nashik Junior Collage Admission : पहिल्‍या फेरीत 6 हजार विद्यार्थ्यांचे प्रवेश; दुसऱ्या फेरीची उद्यापासून प्रक्रिया

Nashik News : शैक्षणिक वर्ष २०२४-२५ साठी इयत्ता अकरावी प्रवेशाची ऑनलाइन केंद्रीभूत प्रवेशप्रक्रिया राबविली जात आहे.
Admission
Admission esakal

Nashik News : इयत्ता अकरावी प्रवेशासाठी पहिल्‍या फेरीची प्रक्रिया सोमवारी (ता. १) पूर्ण झाली. पहिल्‍या नियमित फेरीसाठी दहा हजार ८३१ विद्यार्थ्यांची निवड झालेली असताना प्रत्‍यक्षात सहा हजार ७९ विद्यार्थ्यांनी प्रवेश निश्‍चित केले. बुधवार (ता. ३)पासून दुसऱ्या नियमित फेरीची प्रक्रिया सुरू होणार आहे. (Junior College Admission of 6 thousand students in first round)

शैक्षणिक वर्ष २०२४-२५ साठी इयत्ता अकरावी प्रवेशाची ऑनलाइन केंद्रीभूत प्रवेशप्रक्रिया राबविली जात आहे. त्याअंतर्गत पहिल्‍या फेरीची गुणवत्तायादी प्रसिद्ध केल्‍यानंतर विद्यार्थ्यांना प्रवेशाची संधी उपलब्‍ध करून दिली होती. पहिल्‍या फेरीला अपेक्षित प्रतिसाद मिळालेला नाही. त्‍यामुळे उपलब्‍ध असलेल्‍या एकूण जागांच्‍या तुलनेत साधारणतः पंचवीस टक्‍के जागांवर प्रवेश निश्‍चित झाले आहेत.

उर्वरित ७५ टक्‍के जागा अद्यापही रिक्‍त असून, यामुळे विद्यार्थी व पालकांचे दुसऱ्या व तिसऱ्या नियमित फेरीकडे लक्ष लागून राहणार आहे. दुसऱ्या नियमित फेरीअंतर्गत इच्‍छुक विद्यार्थ्यांना महाविद्यालय व शाखा पसंतीसाठीचा अर्जाचा भाग दोन भरण्याची मुदत बुधवार (ता. ३)पासून शनिवार (ता. ६)पर्यंत असणार आहे. (latest marathi news)

Admission
Nashik Milk Rate Fall : दर घसरल्याने दूध उत्पादक अडचणीत

त्यानंतर माहिती विश्‍लेषणासाठी ७ ते ९ जुलैदरम्‍यान राखीव कालावधी राहील. दुसऱ्या फेरीची निवडयादी १० जुलैला सकाळी दहाला प्रसिद्ध केली जाईल. विद्यार्थ्यांना प्रवेशासाठी १२ जुलैपर्यंत मुदत दिली जाणार आहे.

पहिल्‍या फेरीतील शाखानिहाय

प्रवेशित विद्यार्थ्यांची स्‍थिती

विज्ञान ------ दोन हजार ७२०

वाणिज्य---- दोन हजार ३३०

कला --------- ९५६

एचएसव्‍हीसी --- ७३

एकूण ------- सहा हजार ७९

Admission
Nashik Teacher Constituency Result : नाशिक विभाग शिक्षक मतदारसंघ निवडणुकीत किशोर दराडे दुसऱ्यांदा उत्तीर्ण

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com