कळवण : धोकादायक वळणावर समोरील वाहनाचा अंदाज येत नसल्याने अनेकदा छोटेमोठे अपघात घडत असतात. कळवण शहरासह परिसरातील असे वळणावर होणारे अपघात टाळण्यासाठी कळवणच्या संकल्प ग्रुपने पुढाकार घेतला असून दहापेक्षा अधिक धोकादायक वळणावर रिफ्लेक्टर मिरर ग्रुपतर्फे बसवण्यात आले आहेत.

यामुळे अपघात टाळण्यास मदत होणार आहे. (Reflector mirror to avoid accidents commendable initiative by Kalavala Sankalp Group Nashik News)

कळवण शहराचा विस्तार वेगाने वाढत असून नवीन नागरी वसाहतींसह अनेक भागात दाटीवाटीने घरे आणि जागीच वळणे असल्याने अशा ठिकाणी समोर येणाऱ्या वाहनांचा अंदाज वाहनचालकांना येत नाही.

शाळकरी मुले सायकल चालवत असल्याने वाहनचालकाला लक्षात येत नाही. त्यामुळे अनेकदा अशा वळणावर अपघात घडले आहेत. त्यामुळे ते रोखण्यासाठी ग्रुपने पुढाकार घेतला आहे.

यामुळे वळणावर दुसऱ्या बाजूने येणारी वाहने दिसणार असून अपघाताचे प्रमाण कमी होण्यास मदत होणार आहे. संकल्प ग्रुपच्या या उपक्रमाचे नागरिकांनी स्वागत केले आहे.

येथे बसविले रिफ्लेक्टर मिरर -

संभाजीनगर (गावठाण), जानकाई शाळा कॉर्नर, सप्तशृंगी कॉलनी, स्वामी समर्थ मंदिरामागे, कुलस्वामिनी कॉलनी, गजानन कॉलनी, शाहीर लेन कॉर्नर, बेहडी नदी कॉर्नर, राम मंदिर, गांधी चौक कॉर्नर तसेच आठंबे कॉर्नर, नांदुरी रस्ता. आगामी काळात णकी काही ठिकाणी हे मिरर बसवण्यात येणार आहेत.

अपघात टाळण्यासाठी उपक्रम -

"संकल्प ग्रुपचा उद्देश सामाजिक कार्य करणे असून रिफ्लेक्टर लावल्यामुळे कॉर्नरला समोरून येणारी गाडी दिसेल. अपघात टाळण्यासाठी या आरशांचे नियोजन संकल्प ग्रुपने केले आहे."

- अविनाश पगार, संकल्प ग्रुप, कळवण.