Nashik Crime : दुचाकीवरून परिसरात घिरट्या घालत असलेल्या तरुणांना हटकल्याचा राग आल्याने एका संशयिताने नागरिकांच्या डोक्यावर बंदूक रोखत त्यास गोळ्या घालत ठार मारण्याची धमकी दिल्याचा प्रकार गोरक्षनगर परिसरात घडला. (suspect held gun at citizens nashik crime news)

यानंतर तिघांपैकी एकाने या इसमावर धारदार शस्त्राने वार करत घटनास्थळावरून पळ काढला. याप्रकरणी म्हसरुळ पोलिस ठाण्यात अदखलपात्र गुन्ह्याची नोंद करण्यात आली. या घटनेमुळे मात्र परिसरातील नागरिकांमध्ये भितीचे वातावरण आहे. गोरक्षनगर भागात तिघे तरुण हे दुचाकीवरून घिरट्या घालत होते.

याचवेळी येथील एक नागरिक आपल्या कुटुंबासह घराजवळ उभे होते. त्यांना या तरुणांना थांबवीत तुम्हाला पत्ता सापडत नाही आहे का? तुम्हाला कोण पाहिजे असे विचारले.

या गोष्टीचा राग आल्याने तिघांपैकी एकाने आपल्या जवळील बंदूक काढत थेट या नागरिकांच्या डोक्याला लावत तुला गोळ्या घालू का असे म्हणत ठार मारण्याची धमकी दिली.

त्यानंतर दुसऱ्याने त्याच्याजवळील धारदार शस्त्राने त्यांच्यावर वार केला. मात्र त्यांनी तो वार हुकला मात्र यात त्यांच्या डोक्याला जखम झाली. त्यांच्या कुटुंबाने आरडाओरड करताच तिघांनी पळ काढला. या घटनेकडे बघता पोलिसांनी 'ॲक्शन' मोडमध्ये येत गुन्हेगारांच्या मुसक्या आवळण्याची पाहिजे अशी मागणी केली.