Nashik News : सोनगिरी (ता. सिन्नर) येथे शेतात मशागतीसाठी जात असताना कडवा पाटात ट्रॅक्टर पलटी झाल्याने त्याखाली दबून शेतकऱ्याचा मुत्यू झाला आहे. गुरुवारी (ता. ११) सकाळी दहाच्या सुमारास हा अपघात झाला. (Tractor overturned in Kadwa Pata Death of farmer Nashik News)

हेही वाचा : Credit Card फसवणूक....काय घ्याल काळजी?

सोमनाथ रामुजी लहाने (वय ४०)यांच्यासह भरत लहाने ट्रॅक्टरद्वारे शेततळ्याकडे जात होते. शेतीची मशागत करावयाची असल्याने त्यांनी ट्रॅक्टरला यंत्रे जोडले होते. कडवा पाटाच्या भराव्यावरून ते जात असताना ट्रॅक्टर पाटावर आदळून पाटात कोसळेल, असा अंदाज आल्याने दोघांनी उडी मारण्याचा प्रयत्न केला.

त्याचवेळी वेगामुळे ट्रॅक्टरही पाटात कोसळला. तो थेट सोमनाथ लहाने यांच्या अंगावर पडल्याने ते दाबले गेले. त्यातच त्यांचा मृत्यू झाला. तर, भरत लहाने विरूद्ध दिशेला पडल्याने बचावले. या अपघातामुळे सर्वत्र हळहळ व्यक्त होत आहे.