नाशिक : जिल्हा परिषदेच्या मुख्य कार्यकारी अधिकारी लीना बनसोड यांची आदिवासी विकास विभागाच्या अतिरिक्त आयुक्तपदी नियुक्त झाली आहे. त्यासंदर्भातील आदेश आज (ता.२९) काढण्यात आले. त्यांच्या जागी डहाणू आदिवासी विकास विभागाच्या प्रकल्प संचालक अशिमा मित्तल यांची नियुक्ती करण्यात आली आहे. (transfer of Leena Bansod newly appointed CEO of ZP ashima mittal Nashik Latest Marathi News)

प्रधान सचिव डॉ. राजगोपाल देवरा यांनी आज राज्यातील ४४ आयएएस अधिकाऱ्यांच्या बदलीचे आदेश काढलेत. ४४ अधिकाऱ्यांमध्ये कळवण विभागाचे प्रकल्प संचालक विकास मीना यांची औरंगाबाद जिल्हा परिषदेचे मुख्य कार्यकारी अधिकारी तर नाशिक विभागाच्या प्रकल्प संचालक वर्षा मीना यांची जालना जिल्हा परिषदेचे मुख्य कार्यकारी अधिकारी म्हणून बदली झाली आहे.