मेहुणबारे (ता.चाळीसगाव) -  येथे शेतीच्या वादावरून महिलेस रॉकेल ओतून मारण्याचा प्रयत्न  केला असुन यात सदरील महिलेचा हात ही पंधरा टक्के भाजल्याची घटना घडली असुन याप्रकरणी  मेहुणबारे पोलिस ठाण्यात चौघा विरोधात गुन्हा दाखल करण्यात आला आहे.

उपखेड (ता.चाळीसगाव) येथे शेतीच्या वादातून ज्योतीबाई विश्वास कापडणे ( वय 35) या महीलेला(ता.22) रोजी सकाळी दहाच्या सुमारास या महीलेला गावातील संशयित आरोपी मारोती पाटील, कैलास पाटील, भुषण पाटील,योगेश पाटील यांनी ज्योतीबाई कापडणे यांना शेत गट नंबर 247 मधील व तेथे अंगावर राॅकेल ओतून पेटवून दिले त्यांचा हात पंधरा टक्के भाजल्याने त्याच्यावर धुळे येथील रुग्णालयात उपचार सुरू आहेत.

चिंतामण माळी यांच्या विहीरीजवळ ज्योतीबाई यांच्यावर वरील चौघांनी रॉकेल ओतले होते. यामुळे मेहुणबारे पोलिस ठाण्यात गुन्हा दाखल करण्यात आला आहे.