जेवनाळा (जि. भंडारा) - राज्यातील स्थानिक स्वराज्य संस्थांच्या निवडणुकीसाठी (Election) मतदान (Voting) सुरू आहे. स्वातंत्र्यापासून मतदान करत आलेल्या १०२ वर्षांच्या लक्ष्मी मोतीराम नंदागवडी या आजीबाईंनीही (Grandmother) लोकशाहीचा हा महोत्सव सेलिब्रेट केला आहे. भंडारा जिल्ह्यातील लाखनी तालुक्यातील घोडेझजी गावातील रहिवासी या १०२ वर्षीय आजीबाईंनी मतदान केले आहे.

आज राज्यातील विविध भागासह भंडारा जिल्ह्यातही जिल्हा परिषद व नगरपालिका निवडणुकीसाठी मतदान सुरू आहे. मतदानाचा उत्साह नागरिकांमध्ये पाहायला मिळत आहे. तरुणांपासून वृद्धांपर्यंत सर्वच लोकशाहीच्या या सोहळ्यात सहभागी होऊन, आपलं मतदानाचं राष्ट्रीय कर्तव्य पार पाडत आहेत. स्वातंत्र्या मिळाल्यापासून च मतदान करत आलेल्या १०२ वर्षांच्या घोडेझरी येथील लक्ष्मी मोतीराम नंदागवडी या आजीबाईंनीही लोकशाहीचा हा महोत्सव सेलिब्रेट केला आहे.

आज सकाळीच माझ्या १०२ वर्षाच्या आईला गावात मतदान असल्याची माहिती मिळाल्यावर माझ्या आईने मतदान करण्याची इच्छा सांगितली त्यामुळे नेण्यासाठी गाडी करून मतदान केंद्रावर नेवून मतदान केला.

- शलिक राम, नंदागवडी, मुलगा, घोडेझरि