उपराजधानीत थंडीचे पाच बळी; चौघांचा रस्त्यावर, एकाचा ट्रकमध्ये मृत्यू; पारा पुन्हा घसरला | Sakal
sakal

बोलून बातमी शोधा

winter

उपराजधानीत थंडीचे पाच बळी; चौघांचा रस्त्यावर, एकाचा ट्रकमध्ये मृत्यू

नागपूर : विदर्भात थंडीचा (Winter) कडाका सुरूच असून, नागपूरच्या तापमानात पुन्हा घट होऊन (mercury dropped again) पारा ७.६ अंशांपर्यंत खाली घसरला. दरम्यान, कडाक्याच्या थंडीने शहरात एकाच दिवशी पाच बळी (five die of cold)घेतल्याने ही लाट आता नागपूरकरांसाठी जीवघेणी ठरत आहे.

हाडे गोठवणारी थंडी सहन न झाल्याने गणेशपेठ, कपिलनगर व सोनेगाव परिसरात तीन व्यक्तींचा मृत्यू झाला. गणेशपेठ पोलिस ठाण्याच्या हद्दीत वामन अण्णाजी सावळे (रा. गणेशपेठ वस्ती) हे ६५ वर्षीय वृद्ध फूटपाथवर मृतावस्थेत आढळून आले. तर कपिलनगर पोलिस ठाण्याच्या हद्दीत ५३ वर्षीय ट्रकचालक अशोक ऊर्फ दादाराव सोनटक्के (रा. गंजीपेठ) हे कामठी रोडवर ट्रकमध्ये मृतावस्थेत आढळून आले. याशिवाय सोनेगाव परिसरात ५४ वर्षीय उदय भुते हेसुद्धा मृतावस्थेत आढळले. सोनेगाव येथे ५० वर्षीय अनोळखी महिलेचा तर सदर येथीही ६० वर्षीय व्यक्तीचा मृतदेह आढळला.

हेही वाचा: ओमिक्रॉनचे धोकादायक परिणाम; पुरुषांची चिंता वाढवेल

थंडीच्या लाटेचा प्रभाव मंगळवारीही विदर्भात तीव्रतेने जाणवला.काल राज्यात नीचांकी तापमानाची नोंद झालेल्या नागपूरच्या तापमानात पुन्हा घट होऊन पारा या मोसमातील नीचांकीवर आला. तर पूर्व विदर्भात येणाऱ्या गडचिरोली येथे सर्वात कमी म्हणजेच ७.४ अंश सेल्सिअस इतकी नोंद करण्यात आली.

याशिवाय अमरावती (७.७ अंश सेल्सिअस), वर्धा (८.२ अंश सेल्सिअस) आणि गोंदिया (८.४ अंश सेल्सिअस) सह विदर्भातील इतरही जिल्ह्यांमध्ये सरासरी तापमानात मोठी घट झाली. कमाल तापमानातही दिवसेंदिवस घसरण होत आहे. थंडीची तीव्र लाट आणखी चोवीस तास कायम राहणार असून, त्यानंतर हळूहळू तापमानात वाढ होऊन थंडी कमी होण्याची शक्यता प्रादेशिक हवामान विभागातर्फे वर्तविण्यात आली आहे.

हेही वाचा: क्षणाची हौस बेतली जीवावर; २१ वर्षीय तरुणीचा तडफडून मृत्यू

नागपूरच्या तापमानात झालेला बदल (अंश सेल्सिअसमध्ये)

  • तारीख तापमान

  • शुक्रवार १२.४

  • शनिवार १२.६

  • रविवार १३.४

  • सोमवार ७.८

  • मंगळवार ७.६

Web Title: Three Die Of Cold Winter Mercury Dropped Again Wave Warning Even Today In Vidarbha

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
टॅग्स :ColdWinter