पुसद (जि. यवतमाळ) : होम क्वारंटाईनचा शिक्का म्हणजे त्या व्यक्तीने घरातच बंदिस्त राहणे. जेणेकरून तो कोरोनाबाधित असला तरी त्याच्यापासून इतर नागरिकांना संसर्ग होऊ नये. मात्र या व्यवस्थेवर प्रश्नचिन्ह उपस्थित करणारी घटना आज घडली. चक्क ज्याच्या हातावर होम क्वारंटाईनचा शिक्का आहे, अशा व्यक्तीचा मृतदेह रस्त्यावर आढळला आणि सगळीकडे खळबळ माजली.
पुसदपासून एक किलोमीटर अंतरावर असलेल्या मंगलमूर्ती नगरातील बोरगडी रोडवर होम क्वारंटाईन असलेल्या एका व्यक्तीचा मृतदेह मंगळवारी (ता. 19) दुपारी पाचच्या दरम्यान आढळून आला आहे.
कालच पुसदमध्ये कोरोनाचा एक रुग्ण आढळला. त्यामुळे येथे व्यवस्था चोख ठेवण्यात आली आहे. अनेकजण मुंबई व पुण्यावरून गावाकडे परतले आहेत. त्यांना गृह विलगीकरणात ठेवण्यात आले आहे. बोरगडी रोडवर ज्या व्यक्तीचा मृतदेह आढळला तो गृह विलगीकरणात असून त्याच्या हातावर शिक्का मारलेला आहे.
तो चार दिवसापूर्वी नारायणगाववरून आला होता. त्याच्या पत्नीसह तो आज पायी वैद्यकीय तपासणीसाठी दुपारी दोन वाजता एसटी बस स्थानकावरील तपासणी केंद्रात आला होता. तो भर उन्हात पत्नीसह पायी निघाला असता खाली कोसळला व त्याचा जागीच मृत्यू झाला त्याच्या मृत्युचे कारण अद्याप समजले नसून उपविभागीय अधिकारी डॉक्टर व्यंकट राठोड, तहसीलदार वाहुरवाघ, तालुका आरोग्य अधिकारी डॉक्टर आशिष पवार व शहर ठाणेदार प्रमेश आत्राम घटनास्थळी पोहोचले. त्याच्या मृतदेहाचे पोस्टमार्टम उपजिल्हा रुग्णालयात करण्यात येत आहे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.