सिंदी रेल्वे (जि. वर्धा)  : जिल्हातील पळसगाव बाई येथे एका १८ वर्षीय तरुणाने धुलीवंदनाच्या दिवशी शेतात गळफास घेऊन आत्महत्या केल्याची घटना उघडकीस आल्याने सणाच्या दिवशी अख्ख्या गावात स्मशान शांतता पसरली होती.

हेही वाचा - शेवटी हे नागपूरच! हत्येला विशेष कारणाची गरज नाही; रक्तरंजित ठरली यंदाचीही धुळवड
 
सविस्तर वृत्त असे की लगतच्या पळसगाव बाई येथील सुमीत सुधाकर भट (वय १८) या इयत्ता बारावीत शिकणार्‍या तरुन मुलाने संपूर्ण गाव धुलीवंदनाचा आनंद घेत असताना सोमवारी (ता.२९) स्वतःच्या शेतात झाडाला गळफास घेऊन आत्महत्या करीत जीवन संपविले. 

शेतात गोठ्याचे सुरु असलेल्या बांधकामवर पाणी मारण्यासाठी गेलेला सुमीत संध्याकाळ झाली तरी घरी न परतल्याने शोधाशोध सुरू झाली. आणि सदर घटना रात्री उशिरा उघडकीस आली. 

नेहमी हसतमुख राहणारा सुमीत मनमिळावू स्वभावाचा होता. शिवाय तो गावातील नावाजलेल्या संत सखुआई स्पोर्टींग कल्बचा अष्टपैलू कबड्डीपटु होता. त्यांच्या अशा आकस्मिक निधनाच्या बातमीने संपूर्ण गावावर सणाच्या दिवशी शोककळा पसरली होती.

हेही वाचा - होळीच्या दिवशी कोविड वॉर्डात रुग्णाची आत्महत्या; उपचार...
 
सदर घटनेची सिंदी पोलिसांनी नोंद केली असुन आत्महत्येच्या कारणाचा सिंदी पोलिस ठाण्याचे पोलीस निरीक्षक प्रशांत काळे यांच्या मार्गदर्शनात सिंदी पोलिस कसुन तपास करत आहेत. सुमीतचे पार्थीव उत्तरीय तपासणीसाठी वर्धा येथे पाठविण्यात आल्याचे सांगण्यात आले आहे. 

संपादन - अथर्व महांकाळ