वरुड(जि. अमरावती): मी कोणालाही घाबरत नाही असे सांगणारे भरपूर लोकं आहेत. मात्र भीती प्रत्येकाला वाटत असते. मात्र बेपत्ता असलेल्या एका युवकाला बघून लोकांच्या अंगावर अक्षरशः काटा आल्याची घटना उघडकीस आली आहे.
धनोडी येथील विक्रम ऊर्फ विक्की गायकी हा युवक 24 जुलैला सकाळी 8 वाजता परतवाडा येथील संत्राव्यापाऱ्यांना भेटून येतो, असे कुटुंबीयांना सांगून दुचाकीने घरून निघून गेला होता. त्याच दिवशी सायंकाळी 4.30 वाजेपर्यंत तो कुटुंबीयांशी मोबाइलद्वारे संपर्कातसुद्धा होता. परंतु त्यानंतर त्याचा मोबाइलवर संपर्क होऊ शकला नाही. त्यानंतर त्याची शोधाशोध सुरु झाली होती.
शोध घेतल्यानंतर शेंदूरजनाघाट पोलिस ठाण्यात विक्रम ऊर्फ विक्की बेपत्ता झाल्याची तक्रार नोंदविण्यात आली. विशेष म्हणजे विक्रमचे रवाळा येथील एका मुलीवर प्रेमसंबंध होते आणि तो नेहमी तिच्या भेटीकरिता जात होता, असे त्याच्या कुटुंबीयांनी सांगितले. विक्रमच्या बेपत्ता झाल्याबाबतची माहिती झाल्यानंतर प्रेयसीने विक्रमच्या कुटुंबीयांना माहिती देऊन तो येथे आला होता त्याचे शर्ट, गॉगल आणि मोबाईल माझ्याकडे राहिला तो घेऊन जा, असे सांगितले होते. मात्र अखेर विक्रम सापडला.
या युवकाचा मध्य प्रदेशातील प्रभात पट्टण नजीकच्या सोनगड शेतशिवारात एका नाल्याच्या पायलीमध्ये कुजलेला मृतदेह आढळून आला. विशेष म्हणजे विक्रमच्या अंगावर मोठ्या प्रमाणात धारदार शस्त्रांचे घाव आढळून आल्याने त्याचा खून झाला असावा, असा अंदाज व्यक्त केल्या जात आहे.
काल दुपारच्या सुमारास मध्य प्रदेशातील प्रभात पट्टण नजीकच्या सोनगड शेतशिवारामध्ये बकऱ्या चारणाऱ्या युवकाला सिमेंटच्या पायलीखाली मृतदेह कुजलेल्या स्थितीत आढळून आला. त्यानंतर त्याने गावकऱ्यांना माहिती दिली व मुलताई पोलिसांनी घटनास्थळ गाठून अज्ञात व्यक्तीच्या मृतदेहाची नोंद घेऊन मृतदेह शवविच्छेदनगृहामध्ये ठेवला. मात्र विक्रमचा मृतदेह बघणाऱ्या प्रत्येकाच्या अंगावर काटा आला होता.
तो मृतदेह धनोडी येथील विक्रम ऊर्फ विक्की गायकी याचा असल्याचे निष्पन्न झाल्यानंतर कालच रात्रीच्या सुमारास नातेवाइकांनी शवविच्छेदन गृहामध्ये जाऊन मृतदेहाची ओळख पटवून घेतली. मंगळवारी (ता. 28) सकाळच्या सुमारास धनोडी येथे अंत्यसंस्कार करण्यात आले. विक्रमच्या पोटावर धारदार शस्त्राचे वार असल्याने त्याचा खून झाला असावा, अशी शक्यता त्याच्या कुटुंबीयांनी व्यक्त केली.
संपादन - अथर्व महांकाळ
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.