नागपूर ः पतीपासून घटस्फोट घेऊन माहेरी राहत असलेल्या २८ वर्षीय महिलेला तीन महिन्यांची गर्भधारणा झाली. त्यामुळे महिलेने आपल्या विवाहित प्रियकराविरूद्ध बलात्काराची तक्रार केली. या प्रकरणी प्रतापनगर पोलिसांनी गुन्हा दाखल करून आरोपी प्रियकराला अटक केली. राहुल अर्जुन वैद्य (३२, रा. हजारीपहाड, वायूसेनानगर) असे आरोपीचे नाव आहे. 

पोलिसांनी दिलेल्या माहितीनुसार, पीडित महिला रिया (बदललेले नाव) प्रतापनगर परिसरात राहत असून हिचे तीन वर्षांपूर्वी लग्न झाले होते. तिच्या पतीसोबत वाद झाल्यानंतर तिने पतीपासून घटस्फोट घेतला. ती माहेरी राहायला लागली. तिची मैत्रीण आरोपी राहुल वैद्य याच्या कार्यालयात कामावर होती. 

अनेकांच्या आयुष्यात प्रकाश पेरणाऱ्यांच्याच नशिबी अंधार...

बेरोजगार असलेली रियाने मैत्रिणीला काम शोधण्यास सांगितले. तिने आपला बॉस आरोपी राहुल वैद्य याची भेट घालून दिली आणि नोकरी देण्यासाठी विनंती केली. त्याने तिच्या बायोडाट्यावरून तिचा मोबाईल क्रमांक घेतला आणि तिच्याशी चॅटिंग करायला लागला. दोघांची मैत्री झाली. त्याने तिला अनेकदा कार्यालयात भेटायला बोलावले. तिला जाळ्यात ओढून नवीन कार्यालय उघडल्यावर मॅनेजर पदावर नोकरी देण्याचे आमिष दाखवले. त्याने स्वतःला अविवाहित असल्याचे रियाला सांगितले. 

१८ ऑगस्ट २०१९ मध्ये राहुलने तिला कार्यालयात बोलावले. तिला प्रपोज करीत तिला लग्नाची मागणी घातली. तिला प्रेमाच्या जाळ्यात ओढल्यानंतर तिला शारीरिक संबंधाचा मागणी केली. तिने नकार देताच त्याने कार्यालयात मॅनेजर पदावर नोकरी देण्याचे आमिष दिले. त्याच्या आमिषाला बळी पडून तिने शारीरिक संबंधासाठी होकार दिला. तेव्हापासून दोघांचे अनैतिक संबंध सुरू होते.

हादरवणारी घटना! पाणीपुरी खाण्याचा मोह बेतला जीवावर; तब्बल ९५ जणांचा जीव धोक्यात; एका मुलीचा मृत्यू...

तो निघाला विवाहित

घटस्फोटीत रिया प्रेमसंबंधास नकार देत असल्यामुळे राहुल वैद्यने तिला लग्नाचे आमिष दाखवले. तिच्या नातेवाईकांची भेट घेऊन लग्न करण्याची बोलणी केली. दरम्यान ती तीन महिन्यांची गर्भवती झाली. त्यामुळे तिने लग्नाचा तगादा लावला. त्याने थेट विवाहित असून दोन मुल असल्याचे रियाला सांगितले. त्यामुळे रियाच्या पायाखालची जमीन सरकली. फसगत झाल्याचे लक्षात येताच तिने पोलिस ठाण्यात तक्रार दाखल केली. 

संपादन - अथर्व महांकाळ