पारशिवनी (जि. नागपूर) ः भाऊबीज आटोपून नातेवाईकांच्या घरी चौदावीच्या कार्यक्रमाला भाऊ-बहीण मोटारसायकलने सावनेरमार्गे पारशिवनीला येत असताना सावळी गावाजवळ मोटरसायकलवरून पडून सावरगाव निवासी उमाबाई अशोक कुडे (वय 60) यांचा मृत्यू झाला. ही घटना सोमवारच्या सकाळी अकरा वाजतादरम्यान घडली.
पारशिवनी येथे नातेवाईकांच्या चौदावीच्या कार्यक्रमाला यायचे असल्याने उमाबाई सावरगाववरून सावंगी येथे राहणाऱ्या भावाकडे भाऊबीज आटोपून पारशिवनीला चौदावीच्या कार्यक्रमासाठी सोमवारी सकाळी सावंगी येथून भावासह त्याच्या मोटारसायकलने पारशिवनीला निघाले.
पारशिवनीजवळील सावळी गावाजवळ अचानक मोटारसायकलवरून पडल्याने त्याचा जागीच मुत्यू झाला. बहीण मोटारसायकलवरून पडल्याचे पाहून भाऊ मदतीला गेला असता उमाबाईचा मृत्यू झाला होता. लागलीच पारशिवनी पोलिसांना घटनेची माहिती देण्यत आली. वाहतूक पोलिस शिपाई प्रवीण मरसकोल्हे व त्यांचे सहकारी तत्काळ घटनास्थळावर दाखल झाले.
उमाबाईला पारशिवनी येथील ग्रामीण रुग्णालयात दाखल करण्यात आले. डाॅक्टरांनी तपासून त्यांना मृत घोषित केले. पुढील तपास पारशिवनी पोलिस करीत आहेत.
भावाला ओवाळून त्याच्या उज्ज्वल भविष्याची कामना करणाऱ्या बहिणीचा आपल्याच डोळ्यांदेखत मृत्यू होईल, याची साधी कल्पनाही भावाच्या ध्यानीमनी नसताना अचानक काळाने झडप घातली. भाऊ-बहिणीची अखेरची भाऊबीज ठरली. या घटनेने दोन्ही कुटुंबीयांवर शोककळा पसरली असून, सर्वत्र हळहळ व्यक्त केली जात आहे.
संपादन : अतुल मांगे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.