वरुड (जि. अमरावती) : जुन्या वादातून (Old argument) झालेल्या हाणामारीत चौघांनी एकाला मारहाण (beating) करून विष्ठा चारली. तसेच शिवीगाळही केली. या प्रकरणी बेनोडा शहीद पोलिसांनी चौघांविरुद्ध गुन्हा दाखल केला आहे. नंदकुमार श्रीराम बुरंगे (४५, रा. नांदगाव) असे तक्रारदाराचे नाव आहे. तर संशयित बबन आत्माराम बुरंगे (वय ६०), सुरेश आत्माराम बुरंगे (५०), भूषण बबन बुरंगे (३२) व राजेंद्र ऊर्फ राजा श्रीराम ठाकरे (५०) सर्व रा. नांदगाव असे गुन्हा दाखल केलेल्यांची नावे आहेत.

प्राप्त माहितीनुसार, बेनोडा पोलिस स्टेशनअंतर्गत येत असलेल्या नांदगाव येथील शेतीच्या रस्त्यावरून दोघांचा आपसात वाद झाला. याबाबत नंदकुमार बुरंगे यांनी बेनोडा पोलिस ठाण्यात तक्रार दाखल केली. तक्रार करणारा व ज्यांच्यावर मारहाणीचा आरोप केला ते नातेवाईक आहेत. दोघांचाही शेतीच्या रस्त्यावरून जुना वाद आहे.

दुपारी साडेतीन वाजताच्या सुमारास नंदकुमार हे शेतातून गावात येत होते. यावेळी त्याचे नातेवाईक आले. बबन बुरंगे याने नंदकुमार यांच्यावर शिवीगाळीचा आरोप करून काठी व लाथाबुक्क्यांनी मारहाण (beating) केली. मारहाण सुरू असतानाच भूषण बुरंगे व राजेंद्र ऊर्फ राजा ठाकरे यांनी विष्ठा आणून नंदकुमारच्या तोंडात टाकली, असा आरोप तक्रारीत नंदकुमार यांनी केला आहे. आरोपींनी शिवीगाळ करून मारहाणही केली. वरूड तालुक्यातील अशी पहिलीच घटना आहे. याप्रकरणी पोलिसांनी गुन्हा दाखल करून पुढील तपास सुरू केला आहे.