बुलढाणा जिल्ह्यातील सिंदखेडराजा परिसरात काल झालेल्या अपघातात एकूण 25 जणांचा होरपळून मृत्यू झाला . या सर्व मृतांचा ओळख पटवणे कठीण आहे. काही मृतदेह पुर्णपणे जळाले आहेत. तर काही अर्धवट स्थितीत आहेत. मृतांची ओळख पटवणे कठीण आहे. तर फॉरेन्सिक पथकाने , सर्व मृतदेहांची डीएनए चाचणी येण्यास जवळपास पाच दिवसांचा कालावधी लागणार आहे. त्यामुळे या सर्व मृतदेहांवर सामुहिक अंत्यसंस्कार करण्यात येणार असल्याची माहिती काल मंत्री गिरीश महाजन यांनी दिली होती.(Latest Marathi News)

तर मिळालेल्या माहितीनुसार या अपघातातील 25 मृतदेहांपैकी एकाही मृतदेहाची ओळख पटलेली नाही. त्यामुळे सर्व मृतदेहांवर सामूहिक अंत्यसंस्कार होणार आहेत. एका वृत्तवाहिनीने दिलेल्या माहितीनुसार 25 पैकी 21 मृतांचे नातेवाईकांनी सामूहिक अंत्यसंस्कारासाठी परवानगी दिली आहे.(Latest Marathi News)

तर 4 जणांच्या कुटुंबियांची यासाठी परवानगी मिळणे आवश्यक आहे. त्यामध्ये एक मुस्लिम समाजाची महिला आहे. जर तिच्या कुटुंबियांकडून देखील परवानगी मिळाली तर मृतदेहांवर सामूहिक अत्यंसंस्कार करण्यात येणार आहेत.

बुलढाण्यात एका प्रवासी बसचा काल भीषण अपघात झाला. यामध्ये 25 प्रवाशांचा जागीच मृत्यू झाला. बसमध्ये एकूण 33 प्रवासी होते. यातील आठ प्रवासी सुखरुप बाहेर पडले. ही प्रवासी बस नागपूरहून पुण्याला निघाली होती. त्यावेळी रात्री दीड वाजण्याच्या सुमारास ही भीषण घटना घडली.(Latest Marathi News)

या बसमध्ये नागपूर, वर्धा, आणि यवतमाळचे प्रवासी होते. ही बस विदर्भ ट्रॅव्हल्सची होती. ही बस सिंदखेडराजाजवळ पिंपळखुटा गावालगत समृध्दी महामार्गावर रस्ता दुभाजकाला धडकली आणि त्यानंतर बसने पेट घेतला. डिझेलच्या संपर्कात आल्यामुळे बसने पेट घेतला.