यवतमाळ : वणी तालुक्यातील डोरली गावाच्या नाल्याला आलेल्या पुरात बैलबंडीसह तिघे जण वाहून गेले. यापैकी एका महिलेचा मृतदेह सापडला. दोन पुरुष बेपत्ता असून, त्यांचा शोध घेणे सध्या सुरू आहे. झाडाची फांदी हाती लागल्याने एका महिलेचे प्राण वाचले.
वणीच्या शिरपूर-डोरली परिसरात आज (ता. 9) सायंकाळच्या सुमारास जोरदार पाऊस झाला. त्यामुळे नाल्याला मोठा पूर आला होता. शेतातून काम आटोपून घराकडे परत येत असलेले डोरली येथील मीना कुडमेथे, मनीषा सिडाम, हरिदास खाडे व विनायक उपरे बैलबंडीत बसून गावाकडे येत होते.
गावाजवळील नाल्याजवळ बैलबंडी पोहोचली. नाला पार करीत असताना अचानक नाल्याला लोंढा आला. त्यामुळे बैलबंडीसह चौघेही वाहून गेले. मात्र, मनीषा सिडाम यांना झाडाच्या फांदीचा आधार मिळाल्याने त्यांचा जीव वाचला. या घटनेत मीना कुडमेथे, हरिदास खाडे व विनायक उपरे वाहून गेले. ही घटना परिसरात वाऱ्यासारखी पसरली. पोलिसांच्या मदतीने तिघांचा शोध घेण्यात आला असून, मीना कुडमेथे हिचा मृतदेह आढळला. हरिदास खाडे व विनायक उपरे यांचा शोध घेणे सुरू आहे. या घटनेने परिसरात खळबळ उडाली आहे.
संपादन : अतुल मांगे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.