सुलतानपूर (जि.बुलडाणा) : मेहकर रोडवर ट्रक पलटी झाल्याने वाहतुकीचा खोळंबा झाला आहे. अनेकांना गणराज्य दिनाच्या कार्यक्रमांपासून वंचित राहावे लागल्याचा संतापजनक प्रकार घडल्याचे समोर आले आहे.
 
सुलतानपूर ते मेहकर दरम्यानचा राज्य महामार्ग खोदुन ठेवल्यामुळे व रस्त्यावरील मुरमामुळे ट्रकपलटी होवून मोठा अपघात झाल्याची घटना आज (ता.26) गणराज्य दिनाच्या दिवशी सकाळी घडली. सुदैवाने जिवीतहाणी झाली नसली तरी या अपघातामुळे या मार्गावर बराच वेळ वाहतूक खोळंबल्याने गणराज्य दिनाच्या कार्यक्रमासाठी व ध्वजावंदनासाठी जाणाऱ्याची मोठी पंचाईत झाल्याने अनेकांनी संताप व्यक्त करित ह्या मार्गाचे कासव गतीने सुरू असलेल्या कामांबाबत नाराजी व्यक्त केली.

महत्त्वाची बातमी - बच्चू कडू इन ॲक्शन, अधिकाऱ्यांवर कारवाईचा धडाका 

रस्ताकामची दबाई बरोबर नसल्याने ट्रक पलटी
आज २६ जानेवारी गणराज्यदिनाच्या दिवसी रायपूर(नागपूर) वरून मुंबईकडे लोखंड रोल घेऊन जाणारा ट्रक क्रमांक सीजी 07 बीक्यू 5397 हा सुलतानपूर जवळ सुरू असलेल्या रोडच्या कामा दरम्यान पर्यायी मार्गाची व्यवस्थित सोय करून न दिल्याने व मुरूम, गिट्टी टाकून दबाई न झाल्याने हा ट्रक पलटी झाला. सुदैवाने चालक अब्दुल सलीम अब्दुल रहीम (वय 40) राहमीरपुर (उत्तरप्रदेश) यांना कुठल्याही प्रकारची दुखापत झाली नसली तरी ट्रकचे मोठ्या प्रमाणात नुकसान झाले.

गणराज्य दिन कार्यक्रमापासून मुकावे लागले
गणराज्य दिनाच्या दिवसी सकाळी-सकाळीच साडेआठच्या दरम्यान हा अपघात झाल्याने ह्या मार्गावरील वाहतुकीचा बराच वेळ खोळंबा झाला. अशातच ध्वजारोहणासाठी व ध्वजवंदनेसाठी जाणाऱ्या अनेकांना मात्र या अपघाताच चागलाच फटका बसल्याने गणराज्य दिनाच्या कार्यक्रमांपासून अनेकाना वंचित राहावे लागल्याने मंदगतीने सुरू असलेल्या या रोडच्या कामांबाबत अनेक जण संताप व्यक्त करित आहेत.