Budget Picks : सिमेंट क्षेत्रातील 100 रुपयांपेक्षा कमी किमतीचा 'हा' शेअर बजेटपूर्वी खरेदी करा | Sakal
sakal

बोलून बातमी शोधा

shares

सिमेंट क्षेत्रातील 100 रुपयांपेक्षा कमी किमतीचा 'हा' शेअर बजेटपूर्वी खरेदी करा

अर्थसंकल्पापूर्वी बाजारात कायम अस्थिरता दिसून आली आहे. प्री-बजेट विक्रीही होते. अशा परिस्थितीत, गुंतवणूकदारांनी मजबूत फंडामेंटल्स असलेले शेअर्स घेणे महत्त्वाचे आहे. ब्रोकरेज हाऊस अॅक्सिस सिक्युरिटीज आणि एमके ग्लोबल यांनी सिमेंट क्षेत्रातील स्टार सिमेंट (star cement) हा शेअर निवडला आहे. 100 रुपयांपेक्षा कमी किंमत असलेल्या या स्टॉकमध्ये खरेदीचा सल्ला दिला आहे. Axis Securities ने 105 रुपयांचे टारगेट दिले आहे आणि Emkay ने 120 रुपयांचे टारगेट दिले आहे.

हेही वाचा: अर्थसंकल्प सोप्या भाषेत समजून घेताना

ब्रोकरेज हाऊसचे मत

ब्रोकरेज फर्म एमकेचे (Emkay) म्हणणे आहे की, वेगाने वाढणाऱ्या ईशान्येकडील (North Eastern market) बाजारपेठेत स्टार सिमेंटची मजबूत पकड आहे. या क्षेत्रातील कंपनीचा बाजारातील हिस्सा जवळपास 23 टक्के आहे. कंपनीची नेट कॅश पोझिशन आणि RoIC भांडवलाच्या खर्चापेक्षा वर आहे. यामुळे कंपनीला चांगला सपोर्ट मिळत आहे. ब्रोकरेजने खरेदीचा सल्ला कायम ठेवत टारगेट 130 रुपयांवरून 120 रुपये केले आहे.

कंपनीची व्हॉल्यूम ग्रोथ चांगली असल्याचे अॅक्सिस सिक्युरिटीजचे (Axis Securities) म्हणणे आहे. FY21-23 मध्ये कंपनीचा महसूल/Ebitda/APAT 22%/16%/26% CAGR ने वाढण्याची अपेक्षा आहे. ब्रोकरेजने कंपनीला 'बाय' रेटिंग दिले आहे. मात्र, टारगेट 115 रुपयांवरून 105 रुपये करण्यात आले आहे.

नोंद : क्रिप्टो मार्केट, शेअर मार्केट किंवा म्युच्युअल फंडातील गुंतवणुकीत जोखीम असते. यामध्ये फायद्याप्रमाणे नुकसान होण्याचीही शक्यता असते. त्यामुळे क्रिप्टो, शेअर बाजार किंवा म्युच्युअल फंडातील कोणतीही गुंतवणूक करण्याआधी आपल्या वित्तीय सल्लागारासोबत चर्चा करूनच गुंतवणूक करा.

Web Title: Buy Shares In The Cement Sector Worth Less Than Rs 100 Before The Budget

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top