EPFO | पीएफ खातेधारकांना 'दिवाळी गिफ्ट'?

कर्मचारी भविष्य उदनिर्वाह निधी (ईपीएफओ) 6 कोटीहून अधिक खातेधारकांसाठी एक आनंदाची बातमी आहे. यंदा दिवाळी धूमधडाक्यात साजरी होऊ शकते. कारण पीएफ खातेधारकांच्या बँक खात्यात लवकरच व्याजाची रक्कम हस्तांतरित केली जाणार आहे. सूत्रांकडून मिळालेल्या माहितीनुसार ईपीएफओ लवकरच 6 कोटीपेक्षा जास्त ग्राहकांच्या खात्यांमध्ये 2020-21 साठी व्याज हस्तांतरित करण्याची घोषणा करू शकते. न्यूज १८ने यासंदर्भात वृत्त दिले आहे.

2020-21 या आर्थिक वर्षासाठी ग्राहकांच्या खात्यावर पीएफवरील 8.5 टक्के व्याज हस्तांतरित करण्यासाठी सरकारने आधीच ग्रीन सिग्नल दिला आहे. तज्ज्ञांच्या म्हणण्यानुसार कामगार मंत्रालयानेही या निर्णयावर शिक्कामोर्तब केले आहे. आता EPFO ​​लवकरच ग्राहकांच्या खात्यात 8.5 टक्के व्याज रक्कम जमा करेल.

ईपीएफओने 2020-21 या आर्थिक वर्षासाठी 8.5 टक्के व्याजदर कायम ठेवण्याचा निर्णय घेतला होता. हा व्याजदर गेल्या 7 वर्षातील सर्वात कमी आहे. गेल्या आर्थिक वर्षातही व्याज समान होते. 2019 मध्ये 8.65 टक्के व्याज ईपीएफवर उपलब्ध होते आणि पूर्वी 2018 मध्ये 8.55 टक्के व्याज देण्यात आले होते.