ऑगस्टमध्ये महागाई डोईजड! 

ऑगस्टमध्ये महागाई डोईजड! 

नवी दिल्ली : भाजीपाला, डाळी यांसह मांस, मच्छीच्या किमती वधारल्याने किरकोळ बाजारात महागाई वाढली आहे. ऑगस्टमध्ये ग्राहक किंमत निर्देशांकावर आधारित किरकोळ चलनवाढीचा (सीपीआय) दर 3.21 टक्‍क्‍यांवर गेला असून, हा गेल्या दहा महिन्यांतील उच्चांकी स्तर आहे. 

यापूर्वी ऑक्‍टोबर 2018 मध्ये किरकोळ चलनवाढीचा दर 3.38 टक्‍क्‍यांवर गेला होता. तत्पूर्वी ऑगस्ट 2018 मध्ये तो 3.69 टक्के होता. सरकारने गुरुवारी (ता.12) जाहीर केलेल्या आकडेवारीनुसार, खाद्यपदार्थातील चलनवाढ गेल्या महिन्यात 2.99 टक्के राहिली. जुलैमध्ये हीच दरवाढ 2.36 टक्के होती. मांस व मच्छीतील चलनवाढीचा दर ऑगस्टमध्ये 8.51 टक्के नोंदविला; तर भाजीपाला, डाळी व इतर उत्पादनांतील चलनवाढ अनुक्रमे 6.9 आणि 6.94 टक्के राहिली. 

सांख्यिकी मंत्रालयाने या वेळी आरोग्य, शिक्षण आदी क्षेत्रातील चलनवाढीची आकडेवारीही जाहीर केली. त्यानुसार, आरोग्य व शिक्षण क्षेत्रातील चलनवाढ अनुक्रमे 7.84 आणि 6.10 टक्के असल्याचे स्पष्ट झाले. दरम्यान, किरकोळ चलनवाढ रिझर्व्ह बॅंकेने निर्धारित केलेल्या उद्दिष्टानुसार नियंत्रणात असल्याने रिझर्व्ह बॅंकेकडून रेपोदरात आणखी कपात केली जाण्याची शक्‍यता आहे. 

आसाम, कर्नाटकात भडका 
आसाम, कर्नाटक, उत्तराखंडमध्ये महागाईचा भडका उडाला असून, या राज्यांतील किरकोळ चलनवाढीचा दर ऑगस्टमध्ये अनुक्रमे 5.79, 5.47 आणि 5.28 टक्के नोंदविला. चंडीगडमध्ये हा पारा उणे 0.42 टक्‍क्‍यांवर पोचला आहे. देशाच्या ग्रामीण व शहरी भागातील चलनवाढ अनुक्रमे 2.18 व 4.49 टक्के असल्याचेही स्पष्ट झाले आहे. 

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com