Share Market Updates: शेअर बाजारात आज सकाळच्या सत्रात सुरु झालेलं घसरणीचं सत्र दिवसभर सुरुच राहिले. गॅप डाऊन ओपनिंगनंतर शेअर बाजार कोसळला. दोन दिवसांच्या चांगल्या कामगिरीनंतर आज मात्र शेअर बाजारामध्ये मोठी घसरण झाली. आज शेअर बाजार बंद झाला तेव्हा सेन्सेक्स 749.14 अंकांनी अर्थात 1.29 टक्क्यांनी घसरून 57162.54 वर बंद झाला. तर निफ्टी 220.65 अंकांनी अर्थात 1.27 टक्क्यांनी घसरून 17,171.95 वर बंद झाला. दिवसअखेर निफ्टी 50 मधील फक्त 8 शेअर्स सकारात्मक ओपनिंग दिले तर 42 शेअर्सची सुरुवात घसरणीने झाली.
तत्पूर्वी आज सकाळी दोन दिवसांच्या तेजीनंतर आज पुन्हा शेअराची सुरुवात बाजारात घसरणीने झाली. शेअर बाजाराच्या दोन्ही निर्देशांकांनी गॅप डाऊन ओपनिंग दिलं. सेन्सेक्स 379 अंकांच्या घसरणीसह 57,531.95 वर सुरु झाला, तर निफ्टी 149.85 अंकांच्या घसरणीसह 17,242.75वर सुरु झाला. निफ्टी 50 मधील फक्त 5 शेअर्स सकारात्मक ओपनिंग दिले तर 44 शेअर्सची सुरुवात घसरणीने झाली. एका शेअरमध्ये वाढ अथवा घट झाली नाही. HCLTECH, ONGC, COALINDIA, TATASTEEL, JSWSTEEL या पाच शेअर सकारात्मक ओपनिंग देऊ शकले.
काल गुरूवारी बाजारात तेजी दिसून आली. हेवी वेट शेअर्ससोबतच सगळ्याच शेअर्स मध्ये गुरूवारी खरेदी दिसून आल्याने हा तेजीचा माहौल होता. दिवसा अंती सेन्सेक्स 874.18 अंकांनी अर्थात 1.53 टक्क्यांनी वाढून 57,911.68 वर बंद झाला. तर निफ्टी 256.05 अंकांनी म्हणजेच 1.49 टक्क्यांनी वाढून 17,392.60 वर बंद झाला.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
