Share Market: बाजार सुरु होण्याआधी जाणून घ्या आज कोणते 10 शेअर्स करतील परफॉर्म ? | Sakal
sakal

बोलून बातमी शोधा

shares

Share Market: आज कोणते 10 शेअर्स करतील परफॉर्म ?

शुक्रवारी बाजारात पुन्हा व्होलेटाइल सेशन पाहायला मिळाले. मात्र तरीही बाजार हिरव्या रंगात बंद झाला. सकारात्मक जागतिक संकेतांनी बाजाराला गती मिळाली पण पण 12 सप्टेंबरला चलनवाढीचा डेटा येण्याच्या शक्यतेमुळे, बाजार वर-खाली होत राहिला.

व्यवहाराच्या शेवटी सेन्सेक्स 104.92 अंकांच्या म्हणजेच 0.18 टक्क्यांच्या वाढीसह 59,793.14 वर बंद झाला. निफ्टी 34.60 अंक म्हणजेच 0.19 टक्क्यांनी 17,833.35 वर बंद झाला.

आज कशी असेल बाजाराची स्थिती ?

गेल्या काही आठवड्यांपासून निफ्टी कंसोलिडेशनच्या रेंजमध्ये अडकल्याचे शेअरखानचे गौरव रत्नपारखी म्हणाले. वरच्या बाजूला, 18000 ची मानसशास्त्रीय पातळी निफ्टीसाठी एक मोठा अडथळा म्हणून काम करत आहे. शुक्रवारच्या व्यवहारात निफ्टी ही पातळी गाठणार होता, जेव्हा पुन्हा एकदा विक्रीचा दबाव आला आणि निफ्टी 18000 च्या जवळ बंद झाला. जोपर्यंत निफ्टी ही पातळी तोडत नाही, तोपर्यंत पुढील काही आठवड्यांत तो कंसोलिडेशन रेंजमध्ये फिरताना दिसेल.

शुक्रवारच्या अस्थिर सत्रात बाजार किंचित वाढीसह बंद झाल्याचे रेलिगेअर ब्रोकिंगचे अजित मिश्रा यांनी सांगितले. मजबूत जागतिक संकेतांमध्‍ये बाजार मजबूत नोटवर उघडला. पण नफावसुलीमुळे नफा मर्यादित राहिला.

नुकत्याच झालेल्या अमेरिकी बाजारातील तेजीने भारतीय बाजारालाही चांगले संकेत दिलेत, त्यामुळे बाजारात खरेदीच्या संधी आहेत. बँकिंग, फायनांशियल, ऑटो आणि एफएमसीजी यासारख्या उत्तम कामगिरी करणाऱ्या क्षेत्रांतील चांगल्या शेअर्सवर लक्ष ठेवले पाहिजे असेही मिश्रा म्हणाले.

हेही वाचा: Share Market:100 रुपयांपेक्षा कमी किंमतीचा हा शेअर 20% वाढण्याचा अंदाज

आजचे टॉप 10 शेअर्स कोणते ?

● टेक महिन्द्रा (TECHM)

● अदानी पोर्ट्स (ADANIPORTS)

● इन्फोसिस (INFY)

● इंडसइंड बँक (INDUSINDBK)

● एचसीएल टेक (HCLTECH)

● ऍस्ट्रल (ASTRAL)

● एल अँड टी (LTTS)

● पर्सिस्टंट (PERSISTENT)

● डिक्सन (DIXON)

● भारतफोर्ज (BHARATFORG)

नोंद : क्रिप्टो मार्केट, शेअर मार्केट किंवा म्युच्युअल फंडातील गुंतवणुकीत जोखीम असते. यामध्ये फायद्याप्रमाणे नुकसान होण्याचीही शक्यता असते. त्यामुळे क्रिप्टो, शेअर बाजार किंवा म्युच्युअल फंडातील कोणतीही गुंतवणूक करण्याआधी आपल्या वित्तीय सल्लागारासोबत चर्चा करूनच गुंतवणूक करा.

Web Title: Share Market Closing Update 12 September

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..