चांदीची चमक वाढली; भाव 50 हजारांवर

पीटीआय
बुधवार, 4 सप्टेंबर 2019

दिल्लीतील सराफा बाजारात आज चांदीचा भाव प्रतिकिलोमागे 2 हजार 70 रुपयांनी वाढून 50 हजार 125 रुपयांवर गेला. औद्योगिक क्षेत्र आणि नाणेनिर्मिती करणाऱ्यांकडून वाढलेली मागणीही चांदीचे भाव वाढण्यास कारणीभूत ठरली.

नवी दिल्ली : सोने आणि चांदीच्या भावातील तेजीचे वारे सलग दुसऱ्या दिवशी बुधवारी कायम राहिले. जागतिक बाजारपेठेत भाव वधारल्यामुळे देशांतर्गत बाजारात चांदीने आज उसळी घेतली. 

दिल्लीतील सराफा बाजारात आज चांदीचा भाव प्रतिकिलोमागे 2 हजार 70 रुपयांनी वाढून 50 हजार 125 रुपयांवर गेला. औद्योगिक क्षेत्र आणि नाणेनिर्मिती करणाऱ्यांकडून वाढलेली मागणीही चांदीचे भाव वाढण्यास कारणीभूत ठरली. शुद्ध सोन्याचा भाव आज प्रतिदहा ग्रॅमला 122 रुपयांची वाढ होऊन 39 हजार 248 रुपयांवर गेला.

आंतरराष्ट्रीय बाजारपेठेत आज सोन्याचा भावात घसरण झाली. तो प्रतिऔंस 1 हजार 537 डॉलरवर आला. याचवेळी चांदीचा भाव आज वधारून प्रतिऔंस 19.27 डॉलरवर गेला. 

मुंबईतही भाव वधारले 
मुंबईतील सराफा बाजारात आज चांदीचा भाव प्रतिकिलोला 1 हजार 895 रुपयांची वाढ होऊन 49 हजार 950 रुपयांवर गेला. शुद्ध सोन्याचा भाव प्रतिदहा ग्रॅमला 62 रुपयांनी वधारून 39 हजार 188 रुपयांवर गेला. याचवेळी स्टॅंडर्ड सोन्याचा भावही तेवढीच वाढ होऊन 39 हजार 31 रुपयांवर गेला. 


स्पष्ट, नेमक्या आणि विश्वासार्ह बातम्या वाचण्यासाठी 'सकाळ'चे मोबाईल अॅप डाऊनलोड करा
Web Title: Silver prices zoomed to Rs 50125 per kilogram