Top 10 Billionaires : जगातील श्रीमंतांमध्ये गौतम अदानी तिसरे; अंबानीं ‘या’ स्थानावर

जगातील टॉप 10 अब्जाधीशांच्या यादीत भारतीय उद्योगपती गौतम अदानी यांचे वर्चस्व कायम आहे. अदानींनी पुन्हा एकदा मोठी झेप घेत जगातील तिसरे श्रीमंत व्यक्ती बनले आहेत. फोर्ब्सच्या रिअल टाइम अब्जाधीशांच्या निर्देशांकात अदानी यांची एकूण संपत्ती $131.3 अब्ज इतकी आहे. एकूण संपत्तीच्या बाबतीत त्याने जेफ बेझोसला मागे टाकले आहे. बेझोस यांची एकूण संपत्ती 126.9 अब्ज डॉलर आहे.

एलोन मस्क हे जगातील सर्वात श्रीमंत व्यक्ती आहेत. 223.8 अब्ज डॉलर्सच्या संपत्तीसह ते फोर्ब्सच्या यादीत पहिल्या क्रमांकावर आहेत. फ्रेंच अब्जाधीश बर्नार्ड अरनॉल्ड दुसऱ्या क्रमांकावर आहेत. त्यांची एकूण संपत्ती $156.5 अब्ज आहे. याशिवाय, वॉरेन बफे $ 104.5 अब्ज संपत्तीसह पाचव्या क्रमांकावर, बिल गेट्स $ 102.9 अब्ज डॉलर्ससह सहाव्या क्रमांकावर, लॅरी एलिसन $ 102.5 अब्ज संपत्तीसह सातव्या क्रमांकावर आहेत.

आठव्या क्रमांकावर अंबानी

जगातील पहिल्या दहा अब्जाधीशांमध्ये दोन भारतीयांचा समावेश आहे. या यादीत तिसऱ्या क्रमांकावर गौतम अदानी यांच्याशिवाय रिलायन्स इंडस्ट्रीजचे अध्यक्ष मुकेश अंबानी आठव्या क्रमांकावर आहेत. त्यांची एकूण संपत्ती $89.2 अब्ज आहे.