इथेनॉलच्या हट्टाने नितीन गडकरी अडचणीत

परिवहन आणि रस्ते बांधणी मंत्री नितीन गडकरी हे पेट्रोलमध्ये इ-२० इथेनॉलचे मिश्रण करण्याच्या धोरणामुळे गोत्यात आले आहेत. त्यांच्या या धोरणाला देशातून सर्वत्र विरोध होत असून, दिल्लीचे माजी मुख्यमंत्री अरविंद केजरीवाल यांनी अलीकडे त्याविरूद्ध देशव्यापी आंदोलन उभारण्याचा इशारा दिला. विशेष म्हणजे, केंद्र सरकारचे प्रमुख आर्थिक सल्लागार व्ही अनंत नागेश्वरन आणि अर्थ मंत्रालयाचे सल्लागार आकाश पुजारी यांनी ‘द इंडियन एक्स्प्रेस’ मध्ये लिहिलेल्या लेखात गडकरी यांचे नाव न घेता त्यांच्या धोरणाला विरोध केला आहे.