बंद एटीएममुळे ग्राहकांची गैरसोय

पुणे : महानगरपालिकेत नव्याने समाविष्ट झालेल्या कात्रजजवळील आंबेगांव खुर्दमध्ये घरबांधणी जोमात सुरु झाली आहे. या परिसरात इमारतींची संख्या वाढली आहे. त्यामुळे या परिसरात अॅक्सिस बँक, आयसीआय या बँकांनी उत्साहाने नवीन एटीएम सुरु केली. मात्र, ती नावालाच आहेत. हे एटीएम सतत बंद असतात आणि पैसे नसतात. तशीच बहुतांशी अवस्था शनिनगर येथील बँक ऑफ महाराष्ट्र आणि अॅक्सिस बँकेच्या एटीएमची आहे. डिजिटलचा डंगोरा पिटणाऱ्यांनी आणि संबंधित बँक अधिकाऱ्यांनी काय ती व्यवस्था करावी आणि कालावधी ठरवून येथे पाहणी करावी, ही विनंती.