वर्तकबागे समोरील स्टीलचे चार खांब गायब

शनिवार पेठ :  येथील डॉ. वा. द. वर्तक(वनस्पतीशास्त्रज्ञ) उद्यानामध्ये नागरिकांना बागेत ये-जा करण्याकरिता कोणतीही अडचण येऊ नये. तसेच दुचाकी वाहनचालक प्रवेश द्वाराजवळ दुचाकी पार्क करत असल्यामुळे या ठिकाणी नुकतेच स्टीलचे खांब बसविण्यात आले होते. परंतु हे खांब नीट बसविण्यात आले नसल्यामुळे ते हालत होते. ज्यावेळी हे खांब बसविले होते त्याची संख्या बारा होती. परंतु आता चार खांब गायब झाले आहेत. याला जबाबदार कोणाला धरायचे? कारवाई कोणावर केली पाहिजे? हे खांब बसविण्यासाठी नागरिकांच्या कष्टाचा व घामाचा कररूपाने गोळा केलेल्या कोट्यवधी रुपयांचा चुराडा विकास कामांचा माध्यमातून सातत्याने होताना दिसत आहे.