अतिक्रमणामुळे वाहतूकीस अडथळा

हडपसर : येथील गाडीतळ जवळील डीपी रस्त्यावर टुरिस्ट बसेस लाईनीत उभ्या करतात. त्यामुळे आधीच लहान असलेल्या रस्त्यावर या अतिक्रमणामुळे वाहनचालक आणि पादचाऱ्यांची गैरसोय होते. त्यामुळे ज्येष्ठ नागरिक महिलांचे आणि लहान मुलांचे जाता-येता खूपच हाल होतात. हडपसर क्षेत्रीय याप्रकरणी लक्ष देतील का ? येथे जवळच पोलीस चौकी सुद्धा आहे. तरी देखील याकडे दुर्लक्ष केले जात आहे. रात्री रहदारीच्या वेळी तर खूपच त्रास होतो. तरी याकडे तातडीने लक्ष दयावे.