गाड्यांचे पार्किंग अतिक्रमण हटवा

डेक्कन : पुणे शहरातील प्रसिद्ध डेक्कन बसस्टॉप येथील सर्व अतिक्रमणे काढून प्रशासनाने या ठिकाणी होणारे अनुचित प्रकारांना आळा घातला होता. परंतु या ठिकाणी परत अतिक्रमणे वाढली आहेत. शिवाय बेशिस्तपणे गाड्यांचे पार्किंग होत असल्यामुळे पादचाऱ्यांना पदपथाचा वापर करता येत नाही. नव्याने बांधलेल्या प्रशस्त पदपथाचा वापर तेथील हॉटेल चालकांना व स्नॅक्स सेंटरला जास्त होतो. त्यामुळे या हॉटेल व स्नॅक्स सेंटर मध्ये येणारे ग्राहक आपली दुचाकी वाहने बेशिस्तपणे लावतात तासन् तास सिगरेट, तंबाखू-गुटखा खाऊन पिचकाऱ्या मारत उभे असतात. 

रिक्षावाले तासनतास रिक्षा लावून ग्राहकांची वाट पाहत असतात. तरी अनुचित प्रकार होऊ नये यासाठी प्रशासनाने लक्ष देण्याची गरज आहे. पुणे शहरातील स्वारगेट, महापालिका भवन, पुणे स्टेशन, डेक्कन येथील प्रमुख बस स्टॉप अतिक्रमण मुक्त करावे.